Matteo Colangeli do të jetë Drejtori i ri për Ballkanin Perëndimor dhe njëkohësisht Drejtor i Serbisë për Bankën Europiane për Rindërtim dhe Zhvillim (BERZH). Ai do të drejtojë aktivitetin e Bankës në Shqipëri, Bosnje dhe Hercegovinë, Kosovë, Malin e Zi, Maqedoninë e Veriut dhe Serbi ku do të jetë i vendosur.
Vetëm vitin e shkuar, BERZH investoi 1.3 miliardë Euro në Ballkanin Perëndimor. Banka është e fokusuar në fuqizimin e sektorit privat, promovimin e tranzicionit të gjelbër dhe ndërlidhjes brenda rajonit dhe me fqinjët europianë.
- Colangeli, aktualisht Drejtor i BERZH në Shqipëri tha: “Jam shumë krenar për këtë rol dhe i vendosur ta rrisim prezencën tonë në rajon. Do të përqëndrohemi në rimëkëmbjen pas pandemisë së Covid-19 dhe në bashkëpunimin me partnerët tanë drejt ekonomive më të gjelbra, gjithë-përfshirëse e të dixhitalizuara në Ballkanin Perëndimor.”
- Colangeli, një shtetas Italian, i është bashkuar BERZH në vitin 2005 si bankier në Londër, më pas si bankier rajonal në Ukrainë e Bullgari kryesisht në sektorin e energjisë deri në vitin 2016 kur u përzgjodh Drejtor i BERZH për Shqipërinë. Ai mban kualifikimin Master nga London School of Economics and Political Science.
Prej datës 17 Maj 2021, Z. Colangeli do të zëvendësojë Zsuzsana Hargitai, e cila është emëruar Drejtoreshë e BERZH për Azinë Qëndrore.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
