Mastercard po bashkëpunon me Microsoft për një platformë të re pagesash » Business Magazine Albania – Media Dixhitale dedikuar Sipërmarrjes
Përditësuar së fundmi: 18/09/2018

Mastercard po bashkëpunon me Microsoft për një platformë të re pagesash

Share
nga Anerola Torollari
Sht 18, 2018
Studied at Faculty of Science, Content Editor Biznesi at Business Magazine
lexo me teper >

Mastercard Inc. po bashkëpunon me Microsoft për një platformë të re pagesash ndërkufitare

Qëllimi, sipas të dy kompanive është të automatizojë tregtinë globale për klientët biznes dhe të rrisë efikasitetin në të gjitha transaksionet e biznesit global.

Zëvendëspresidenti i Microsoft George Zinn, tha të Enjten që lançimi do të lehtësojë sfidat me të cilat ballafaqohen bizneset në 192 vende.

Lançimi i “Mastercard Track” vjen pasi kompania me bazë në New York (NYSE: MA) përballet me konkurrencën nga ana e Visa. Vitin e kaluar, Foster City, Visa me bazë në Kaliforni (NYSE: V) filloi shërbimin e pagesave blockchain “B2B Connect”.

Ashtu si Mastercard Track, Visa B2B Connect synon të lehtësojë pagesat ndërkufitare duke lehtësuar pagesat direkte midis institucioneve, duke shkurtuar ndërmjetësin tradicional. Visa B2B punon me ndihmën e startup-it blockchain Chain.

Lexoni: Google Cloud së shpejti do të ketë një produkt të ri që do të konkurrojë Amazon dhe Microsoft

Presidenti i Mastercard për rritjen strategjike Michael Froman pret që Mastercard Track të jetë “shumë tërheqës për qeveritë, portet dhe ministritë e promovimit të tregtisë në të gjithë botën.”

Froman më parë ka shërbyer si përfaqësues tregtar i SHBA nën udhëheqjen e Presidentit Barack Obama.

Mastercard është fokusuar veçanërisht në ofertat biznes-to-biznes (B2B) dhe në zhvillimin e inovacioneve teknologjike. Gjatë vitit të kaluar, ajo ka punuar për të trefishuar madhësinë e qendrës së saj të teknologjisë në qytetin e New York, duke shtuar 470 vende pune dhe një strukturë të re 212,000 metra katrore në lagjen Flatiron në Manhattan.

Kompania tashmë ka 250 punonjës të kërkimit dhe zhvillimit dhe teknologjisë në qytet dhe planifikon të shtojë vende të reja pune deri në vitin 2024.

burimi: bizjournals