Ndjekja me vetura në autostradën 680 në afërsi të Milpitas, shfaq audio inçizimin e publikuar nga mediat amerikane ku dëgjohet biseda e zyrtarit të policisë me bazën, kur bën me dije se vetura po i ndalej për arsye se kishte mbetur pa bateri.
“Le ta vazhdojë ndjekjen dikush tjetër”, dëgjohet duke thënë polici, i cili po ndiqte një veturë që lëvizte me 120 milje në orë, ndërsa ky i ishte vënë pas me veturën zyrtare Tesla Model S prodhim i vitit 2014, që brenda pak minutave iu harxhua bateria.
Lexoni: Elon Musk lajmëron zgjerimin e kompanisë Tesla në vendet e Ballkanit
“Vetura Tesla nuk ishte e mbushur plotësisht me energji elektrike kur kolegu ynë u lajmërua. Për fat të keq, një gjë e tillë po ndodh edhe me veturat që lëvizin me karburant, të cilat me raste i harrojnë t’i rimbushin para se ta përfundojnë turnin e punës”, ka deklaruar zëdhënësi i policisë së Freemontit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
