Mak Albania prej vitesh në shitje. Ikën hotel Sheraton

Mak Albania prej vitesh në shitje. Ikën hotel Sheraton



1 janari nis me zhvillime kontradiktore për turizmin në Shqipëri. Pikërisht në ditën që hy në fuqi një paketë e rëndësishme lehtësish për investimet e markave ndërkombëtare të turizmit, e vetmja markë e këtij niveli lë tregun shqiptar.

Fjalët që përfliteshin prej pak muajsh janë konfirmuar së fundi nga Shoqata Shqiptare e Turoperatorëve dhe Agjencive Turistike (ATOA). Hotel “Sheraton” do të largohet nga Shqipëria duke filluar nga 1 janari 2018. Në deklaratën e saj për shtyp, shoqata e cilëson këtë, “dhuratën më të keqe që i bëhet turizmit shqiptar dhe është një nga lajmet më negative të gjithë historisë së 20 viteve të fundit të hotelerisë dhe turizmit tonë”.

Shoqata rendit një sërë problemesh në sektorin e turizmit, duke theksuar se qeveria, më shumë se taksave duhet t’i kushtojë vëmendje klimës së biznesit. “Sheratoni” prej fillimit të javës tjetër kalon në menaxhim të pronarëve të ndërtësës. Pronarët e saj janë arabët, që në Shqipëri njihen me emrin e kompanisë “Mak Albania”.

Të pyetur nga “BusinessMag”, drejtues të shoqatave të turizmit, vlerësojnë se largimi i “Sheraton” lidhet më së shumti me pasiguritë për të vazhduar menaxhimin në një objekt që prej më shumë se tre vitesh ka dalë në shitje. Investitorët e “Mak Albania-s” kërkojnë të shesin godinën, ku “Sheraton” ushtroi aktivitetin prej vitit 2003. Pas dhjetëvjeçarit të parë të punës, pasiguritë janë rritur për menaxhimin e hotelit, i cili nuk mund të shihte një të ardhme të sigurt në një objekt në shitje.

2018-a pritet të përcaktojë fatin e hotelit “të lënë bosh” dhe të objektit tërësor ndërtuar nga “Mak-Albania”. Vendimtare për ndryshimet në të ardhmen mbetet një shitje e mundshme e godinës. Deri në një rast të tillë, investitorët arabë nuk duket se janë të disponueshëm të ndryshojnë desinacionin e pjesës së shfrytëzuar nga “Sheraton”, çka nënkupton, dhënien në menaxhim të hotelit një tjetër marke të niveleve ndërkombëtare.

Pas krizës financiare ndërkombëtare, tregu i turizmit ka pasur zhvillime të dukshme si në nivel ndërkombëtar, edhe atë lokal. Vetë rrjeti i njohur “Sheraton” u ble para një viti nga grupi po i njohur i hotelerisë botërore “Marriott”.

Ndërkohë, dy vitet e fundit, në tregun vendas, është shtuar ndjeshëm konkurenca e hoteleve me standarde të larta. Hapja e hotel “Plazza” shtoi kapacitetet e shërbimit të niveleve të larta në Tiranë, ndërkohë edhe në segmentin me 4 yje ka shtim konkurence. Hotel “Rogner” pothuajse ka dyfishuar kapacitetin e tij pritës dhe hotel “Tirana” pritet të zgjerohet në vitet në vijim me një godinë tjetër të madhe bashkëngjitur saj, për të cilën sipërmarrësi ka marrë tashmë lejen e ndërtimit.

Mbetet për t’u parë kush do të zërë vendin e “Sheraton”, dhe mbi të gjitha a do të përfitojë nga lehtësitë fiskale, pasi mund të prezantohet si një investitor i ri me emër në hoteleri-turizëm.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0