Lumi i Shalës, destinacioni që nuk duhet humbur


Në stinën e verës, gjithkush bën gati valixhen për të shijuar pushimet pas një periudhe pune të ngarkuar. Shumë zgjedhin të pushojnë në det. Ndërsa në mal pushimet janë më të shkurtra. Një destinacion i tillë është Lumi i Shalës.

A e dini të gjithë historinë e vendit tuaj? A dini mjaftueshëm destinacione turistike dhe mbi të gjitha sa prej tyre keni vizituar? Këto pyetje duhet t’i bëjë gjithësecili prej nesh. Duhet t’ia bëjë vetes para se të thotë shprehjen e famshme “Në këtë vend nuk jetohet”.

Destinacionet brenda vendit janë zhvilluar dhe guidat po ashtu.

I tillë është Lumi i Shalës? Është ndër pikat turistike më të kërkuara në vend në dy vitet e fundit. Grykëderdhja e lumit të Shalës në liqenin e Komanit është kthyer në një nga destinacionet më tërheqëse lumore të Alpeve Shqiptare. Është cilësuar ndryshe si “Tajlanda Shqiptare”.

Lexo: Si i organizojnë pushimet sipërmarrësit e rinj shqiptarë?

Për BusinessMag.al përfaqësuesi i agjensisë Guida Albania Outdoors thotë se Lumi i Shalës është destinacioni më i kërkuar në Shqipëri kohët e fundit. Kjo agjensi turistike, e cila operon vetëm me guida brenda vendit, e sheh si destinacionin e  duhur për të kaluar një fundjavë të qetë larg zhurmës kaotike që të ofron kryeqyteti. Të pyetur nga BusinessMag.al se përse preferohet kaq shumë kjo pikë turistike, ata listojnë disa arsye. Është një destinacion fantastik për një tur 1 ose 2 ditor.


Kërkohet për shkak të bukurisë së tij të veçantë midis maleve të thepisuara. Gjatë udhëtimit për në këtë destinacion ju jepet mundësia të vizitoni edhe Shpellën e lashtë të Kaurrit, Gurin e Lekë Dugagjinit, Shpellën e Pëllumbave si dhe Ishullin e Paqes. Pra, teksa niseni për një destinacion, ju jepet mundësia të eksploroni edhe bukuri të tjera natyrore, ndaj kjo e bën këtë udhëtim tuajin unik. Atraksionet  turistike shqiptare, kryesisht ato malore, tërheqin të huajt.

Të huajt mrekullohen nga natyra e virgjër shqiptare, ndonëse këtë vit, sipas guidave, frekuentimi nga të huajt ka shënuar rënie.

Interes më të lartë për këtë destinacion kanë filluar të shfaqin të rinjtë nga qytetet më të mëdha të vendit.

Nëse doni të eksploroni Lumin e Shalës me Guida Albania Outdoors, ju mund të kontaktoni në

E-mail: [email protected]
Nr.tel:  0697236304, si dhe në Instagram: guida_albania_outdoors

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale