Presidentja e Komisionit Evropian Ursula von der Leyen propozoi të mërkurën sanksione të reja kundër Rusisë për luftën e saj kundër Ukrainës, që përfshijnë kufizime të mëtejshme tregtare, shtimi i individëve të tjerë në listën e të sanskionuar dhe një kufi të çmimit të naftës për vendet e treta.
Propozimi tani do t’i shkojë 27 vendeve anëtare të bllokut, të cilat do të duhet të kapërcejnë dallimet mbi sanksionet e reja dhe të arrijnë unanimitet për t’i zbatuar ato.Kjo mund të marrë kohë , por BE-ja është nxitur të veprojë shpejt pas mobilizimit të pjesshëm ushtarak të Rusisë, kërcënimet bërthamore ndaj Perëndimit dhe lëvizja për të aneksuar një pjesë të Ukrainës.
Lexo edhe; Çmim tavan për gazin? BE ende e paqartë nëse duhet ta zbatojë
“Ne nuk i pranojmë referendumet e rreme dhe asnjë lloj aneksimi në Ukrainë. Dhe ne jemi të vendosur të bëjmë Kremlinin të paguajë çmimin për këtë përshkallëzim të mëtejshëm, prandaj po propozojmë një paketë të re sanksionesh shtrënguese kundër Rusisë.” – tha Von der Leyen.
Më herët të mërkurën, një këshilltar i lartë ekonomik i presidentit ukrainas Volodymyr Zelenskiy i bëri thirrje BE-së të shkurtojë më tej flukset e parave në Rusi nga shitjet e karburanteve .
Oleg Ustenko tha se “paratë e lara me gjak” do të vazhdojnë të shkojnë në Moskë nëse kompanitë evropiane nuk bëjnë dicka. / Euronews
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
