Lokalet në Tiranë pa taksë hapësire për Maj-Qershor. Taksa e hoteleve shtyhet deri në Shtator - Business Magazine Albania

Lokalet në Tiranë pa taksë hapësire për Maj-Qershor. Taksa e hoteleve shtyhet deri në Shtator

Taksa e hoteleve

Dy lehtësi për sipërmarrjet e kryeqytetit janë ndërmarrë nga Bashkia e Tiranës. Projektvendimet e Bashkisë parashikojnë heqjen e taksës së hapsirës publike për periudhën Maj-Qershor dhe shtyrjen e taksës së hoteleve deri në muajin Shtator.

Kryetari i Bashkisë, Erion Veliaj prezantoi këto dy nisma në ditën e parë të hapjes së bareve dhe restoranteve, pas më shumë se dy muajsh mbyllur.
Ato janë hapur sot me rregulla të posaçme për të punuar në hapësirat jashtë deri në orën 17:30.

Për dy projektvendimet që do të kalojnë në Këshillin Bashkiak, Veliaj tregoi se janë:

“Heqja e taksës të hapësirës publike për periudhën Maj-Qershor. Kjo nuk do të thotë zaptim të hapësirës publike, por një ndihmë nga bashkia për hapësirën, e cila do të jetë me zero pagesë. Kjo do të inkurajojë këtë kategori për të punuar në këtë periudhë dhe për të rritur xhiron. U bënë 4 muaj që ne zerojmë taksën e hapësirës publike për kafenetë, baret dhe restorantet”.

Lexo: Italia: familjet do të kenë deri në 500 euro për pushimet verore

Shtyrja e taksës për hotelet, “është një mundësi për hotelet në Tiranë për të mbajtur fond për punonjësit dhe xhiron e tyre”, tha Veliaj. Nga kjo masë pritet të përfitojnë rreth 300 hotele që operojnë në Tiranë.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0