Për Kosovën, mundësia e lëvisjes së qytetarëve, zhvillimi i biznesit dhe tregtia me jashtë janë shumë më të mundura duke nisur nga sot. Parlamenti Europian ka votuar pro liberalizimit të vizave për Kosovën. Në votimin u shprehën pro 420 eurodeputetë, ndërsa ishin kundër 186 dhe abstenuan 22 deputetë.

Pak para votimit, Raportuesja për Kosovën në Parlamentin Europian, Tanja Fajon, tha: “Kosova i ka përmbushur të gjitha kushtet për liberalizimin e vizave, ndaj dhe kërkoj votën e të gjithë eurodeputetëve pro rekomandimit të ardhur nga Komisioni Europian që më 18 korrik të këtij viti”.

Lexo: Produktet “Made in Kosova” nuk depërtojnë dot në Europë pa liberalizimin e vizave

Pas kësaj faze, radhën për të votuar e ka Këshilli i Ministrave të BE-së.

Bisedimet në emër të Parlamentit Europian do t’i udhëheqë Tanja Fajon, raportuese për vizat në Parlament. Ajo tashme ngarkohet të nisë bisedimet me Këshillin e Bashkimit Europian.