Në esencë është një hibrid laptop-tablet por ka diçka që se keni parë më parë në këtë linjë produktesh. Një laptop normal Yoga karakterizohet nga një stil dizajni fizik prej libri me ekran dhe tastierën por Yoga Book ka një ekran dhe një tjetër ekran.
Hibridi shoqërohet nga një laps Stylus pa bateri dhe 2,048 pika presioni i aftë të gjurmojë edhe këndin e presionit. Lenovo thotë se tastiera virtuale, ekrani i dytë, është po aq e shpejtë dhe e saktë sa edhe një fizike.
Modeli i tastierës mbetet i njëjtë me një tastierë fizike, por butonat mund të zgjerohen në bazë të nevojave. Për shembull, nëse keni tendencë që të shtypni poshtë butonit të hapësirës, ai do ti zgjerojë sensorët e prekjes për t’ju përshtatur juve. Lenovo tha se tastiera do të ketë një software që ta lejojë të përshtatet me tendencat e përdoruesit.
Yoga book fuqizohet nga një proçesor Intel Atom X5-Z8550 shoqëruar nga 4GB RAM dhe 64GB memorie të brendshme. Ekrani origjinal ka një madhësi 10.1 inç dhe rezolucion 1920×1200. Yoga Book përmban një mori sensorësh të zakonshëm ku mund të përmendim akselerometër dhe sensor të dritës së ambientit. Kamera e pasme ka një rezolucion 8 megapiksel ndërsa frontale 2 megapiksel. Konektiviteti përfshin Wi-Fi 2.4/5Ghz 802.11 a/b/g/n/ac dhe një model global LTE. I gjithë produkti peshon 690 gram.
Ashtu si hardware-i, edhe software-i është i pazakonshëm. Yoga Book vjen me Windows 10 dhe do të kushtojë 549 $. Do të jetë i disponueshëm edhe me Android Marshmallow 6.0 dhe do të kushtojë 499 $. Me këtë të fundit Lenovo ka ndërtuar një ndërfaqe quajtur Book UI për të bërë më të lehtë funksionimin në disa aplikacione në Android.
Burimi: pcworld.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
