Ledian Shera, i riu që po prek ëndrrën e Silicon Valley

Ledian Shera, i riu që po prek ëndrrën e Silicon Valley

~5 minuta lexim


 

Ledian Shera është themeluesi i WeAreAlbania, një iniciativë risi dhe një startup që ndihmon turistët të zbulojnë Shqipërinë. Lediani është maturant pranë shkollës Harry Fultz, dhe synon të bëhet një sipërmarrës i sukseshëm.

Shpesh e kemi parë të pranishëm në aktivitete të ndryshme që sigurojnë financim dhe mentorim për startupet e reja, një prej tyre dhe emisioni ”Do you have an idea?”. Por këtë herë duket se ai po provon të prekë një ëndërr më të madhe, atë të Silicon Valley.

Lexoni: WeAreAlbania: Një startup që ndihmon turistët të zbulojnë Shqipërinë

I pyetur nga BusinessMag, Lediani na tregon më shumë për fushatën e nisur pak ditë më parë.

Çfarë është kjo fushatë?

Aktualisht jam pranuar në një program 3 javor në Silicon Valley, Stanford University. Silicon Valley siç dihet është një ëndërr për çdo sipërmarrës dhe gjatë 3 javëve do të kem mundësinë të zhvilloj një ide, e cila supozohet të ketë ndikim global dhe gjithashtu të zgjidhë një problem global.

Gjithashtu, programi mundëson dhe vizita në kompanitë më të mëdha dhe inovative në botë.

Si lindi ideja për t’u bërë pjesë e programit?

Siç e themi gjithmonë ne të komunitetit të startupeve që lidhjet bëjnë diferencën, edhe ftesa për këtë trajnim kështu erdhi.

Një nga miqtë e mi që jeton në Amerikë me sugjeroi këtë program dhe kështu nisi dhe aplikimi.
Fillimisht më dukej e pamundur sepse nga 20’000 aplikantë vetëm 50 arrijnë të pranohen në Stanford.

Si po shkon fushtata e lançuar në GoFound Me? A ke patur mbështetje deri më tani?

Në këtë periudhë, unë kam hapur një fushatë crowd-funding që të bëj të mundur pjesëmarrjen atje pasi, vërtet është një mundësi shumë e mirë, por dhe me kosto shumë të lartë, rreth 5000$.

Gjatë kësaj periudhe kam marrë një feedback dhe ndihmë nga shumë njerëz, Europa, Amerika dhe veçanërisht doja të veçoja Alenin dhe Onin, ”çunat e Dentemit” siç i quajmë ne të startupeve që gjithmonë kanë qenë mbështetje për çdo të ri që synon fushën e sipërmarrjes.

Fushata besoj do të mbetet e hapur deri në muajin Prill dhe çdokush është i mirëpritur të kontribuojë.

Linku i faqes është:  https://www.gofundme.com/launch-ledians-business-dreams

Po përsa i përket startupit/ platformës prej së cilës ju jeni bërë i njohur? Çfarë po ndodh me të?

WeAreAlbania ka qenë aktualisht në proces ripërpunimi dhe po mendojmë që të përmirsojmë ato gabime që bëmë në fillim si dhe së shpejti do të zgjerohet në një projekt me të gjerë që shpresojmë do të këtë impaktin që dëshirojmë në treg.

Ka qenë një rrugëtim shumë i vështirë financimi dhe pranimi. Të jesh pjesë e një industrie si startupet në moshë kaq të vogël është shumë sfiduese dhe e lodhshme, por që në fund shpërblehet.

Lexoni: WeAreAlbania, startup-i i vetëm shqiptar në garën për të rinjtë sipërmarrës në Shkup

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

✨ Thënia e ditës
“Për të arritur majat në karrierë, përqafoni sfidat si mundësi për të rritur dhe përmirësuar vetveten.”
— Jack Welch
Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0