LeBron James, imazh i përjetshëm i NIKE


LeBron James mund të jetë basketbollisti më i mirë, dhe nëse ndonjëherë ndodhet në kohë të vështira, nuk ka pse të vrasë mendjen për lekë.

Mbreti James sapo ka firmosur një kontratë të përjetshme për të përfaqësuar ‘tikun’ e Nike, ka konfirmuar gjigandi i atleteve të Hënën.

Marrëveshja, e cila besohet të jetë e para e këtij lloji në historinë 44-vjeçare të kompanisë, garanton se supërylli 30 vjeçar i Cleveland Cavaliers do të përfaqësojë brandin prestigjioz sportiv gjatë të gjithë karrierës së tij basketbolliste por edhe pas saj.

Kompania, në një intervistë për Mashable, ka thënë se marrëveshja “sjell vlerë domethënëse për biznesin tonë, markën dhe aksionerët.”

“Ne kemi ndërtuar tashmë një biznes të fortë me imazhin e LeBron për 12 vitet e kaluara, dhe shohim potencial të rritur gjatë të gjithë viteve të karrierës dhe më tej,” thuhet në deklaratë. Një zëdhënës i Nike nuk iu përgjigj menjëherë pyetjeve rreth termave të kontratës me lojtarin e basketbollit.

Nike nënshkroi për herë të parë me James një marrëveshje 7-vjeçare 93 milionë dollarëshe në 2003 kur ylli ishte i ri dhe i freskët, i sapoardhur nga gjimnazi dhe i gatshëm për të pranuar ofertën. Kur marrëveshja skadoi në 2010-ën, Nike nënshkroi një marrëveshje të dytë për 9 vite të tjera.

Ndërsa kompani të tjera veshjesh sportive kanë bërë kontrata të tilla të përjetshme me sportistë botërorë, ESPN raporton se kjo është kontrata e parë e Nike dhe marrëveshja më e madhe me një atlet. Rivali i Nike, Adidas ka një të tillë me Derrick Rose të Chicago Bulls dhe legjendën e sportit David Beckham, ndërsa Reebok ka nënshkruar një të tillë me yllin e Filadelfias, Allen Iverson.

Sipas SportsScanInfo, linja e veshjeve që mbante firmën e tij bëri 340 milionë $ për Nike vitin e shkuar, më shumë se dyfishi i të ardhurave të vetë linjës së Durant. Kontrata e përjetshme e LeBron James me Nike, padyshim shënon një tjetër fazë në karrierën e tij.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale