GERMIN lançon versionin BETA të platformës digjitale të Programit për Angazhimin e Profesionistëve nga diaspora. Ky program synon të mbështesë angazhimin e profesionistëve nga diaspora në vendet e origjinës, me qëllim transferimin e njohurive dhe aftësive në institucione publike, organizata të shoqërisë civile dhe biznese. Programi aktualisht mundëson angazhimin afatshkurtër, duke filluar nga 3 javë deri në 6 muaj.
Platforma mundëson lidhjen mes dy palëve, profesionistëve nga diaspora që duan të kontribuojnë në Kosovë & Shqipëri dhe të entiteteve që shprehin interesim për të angazhuar profesionistë të diasporës nga vendet amë. Platforma mundëson përputhjen automatike të profileve të profesionistëve nga diaspora me nevojat e entiteteve pritëse në vendet amë, në pozitat e shpallura në të.
Entitetet vendore që duan të angazhojnë profesionistë nga diaspora, inkurajohen të regjistrohen dhe të publikojnë shpalljet për profilet për të cilat kanë nevojë.
Platforma synon edhe regjistrimin e bizneseve nga diaspora dhe atyre lokale, me qëllim lidhjen dhe rrjetëzimin mes tyre. E njejta procedurë e regjistrimit vlen edhe për ta.
Përdor Platformën, Regjistrohu Tani!
Platforma mbron të dhënat e të regjistruarve sipas standarteve të Rregullores Europiane për Mbrojtjen e të Dhënave (GDPR).
Angazhimi i Profesionistëve nga Diaspora mbështetet nga CARITAS-i Zviceran në Kosovë, Fondacioni Kosovar për Shoqëri Civile (KCSF), dhe USAID Kosovo Compete Activity. CARITAS-i Zviceran përmes projektit “Veprimi i Komunave për Riintegrim dhe Diasporë- MARDI” mbështet angazhimin e profesionistëve nga Diaspora në Institucionet Kosovare në nivel qendror dhe lokal. KCSF në partneritet me USAID në kuadër të projektit “Angazhim Qytetarë – CEA” mbështet angazhimin e profesionistëve nga diaspora në organizata të shoqërisë civile në Kosove. Ndërkohë USAID Kosovo Compete mbështet mentorimin e grave ndërmarrëse nga profesionistë të diasporës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
