Marka legjendare e makinave sportive Lamborghini ka bashkuar forcat me markën britanike të njohur të produkteve për foshnja Silver Cross, për të lançuar një model unik të karrocës Reef AL Arancio “Super Stroller”.
Ky edicion i kufizuar në vetëm 500 njësi në mbarë botën, ka një çmim prej 5,165 dollarë amerikanë, duke e bërë jo vetëm një nga mënyrat më luksoze për të transportuar të vegjlit tuaj, por edhe mënyrën më të përballueshme për të pasur një “Lamborghini” në koleksionin tuaj.
E krijuar për të përballuar çdo terren, kjo karrocë ofron sistem të plotë amortizimi, një frenim të frymëzuar nga supermakinat, si dhe doreza me dizajn automobilistik. Materialet premium përfshijnë lëkurë italiane dhe suede me performancë të lartë, të kombinuara me ngjyrën ikonike portokalli dhe të zezë të Lamborghini.
Lexo edhe:Një mjet i ri me AI mund të parashikojë shëndetin e trurit shumë vite përpara simptomave
Seti i plotë përfshin:
✅ Shportën për fëmijën (carrycot)
✅ Sediljen e karrocës
✅ Mbulesën për këmbët (footmuff)
✅ Adaptues për sediljen e makinës
✅ Çadër mbrojtëse nga dielli
✅ Rrjetë kundër mushkonjave
✅ Mbulesa kundër shiut
Kjo karrocë ekskluzive jo vetëm që sjell një përvojë të rehatshme për të vegjlit, por edhe një shije të vërtetë luksi për prindërit që vlerësojnë detajet dhe stilin e një Lamborghini.
A do ta shtonit këtë në listën tuaj të dëshirave?
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
