Ky është çelësi i vërtetë për gjenerimin e kreativitetit

Ky është çelësi i vërtetë për gjenerimin e kreativitetit


Sa kohë i kushtoni mendimit kreativ në punë? Sipas një studimi të fundit, do t’ju duhet të rrisni pritshmëritë nga vetja.

Brian Lucas, një profesor asistent i shkencave të sjelljeve në Booth School of Business në Universitetin e Çikagos, dhe Loran Nordgren, një profesor i asociuar i manaxhimit dhe organizatave në Shkollën Kellog të Manaxhimit, kanë shkruar në Revistën Harvard Business rreth një serie studimesh që udhëhoqën, ku zbuluan se njerëzit e nënvlerësojnë impaktin e këmbënguljes në kreativitet.

Në një prej studimeve për shembull, Lucas dhe Nordgren u kërkuan të testuarve që të jepnin sa më shumë ide që të mundnin për menunë e Falenderimeve. Pas 10 minutave, studiuesit u kërkuan studentëve të parashikonin sa ide do të mund të gjeneronin nëse do ngulnin këmbë për 10 minuta. Pasi u përgjigjën, ata shpenzuan edhe 10 minuta të tjera për të gjetur ide të reja.

Të pyeturit parashikuan, se ata do të ishin të aftë të gjeneronin mesatarisht edhe 10 ide të reja nëse do t’u jepej kohë ekstra. Por kur u munduan ta bënin vërtet, ata erdhën mesatarisht me nga 15 ide të reja secili.

Ishte interesant fakti se, idetë shtesë që u dhanë ishin më kreative dhe më me peshë se të parat. Lucas dhe Nordgren gjetën rezultate të ngjashme në pjesën më të madhe të studimeve të tyre.

“Jo vetëm që pjesëmarrësit e nënvlerësojnë aftësinë e tyre për të gjenreuar ide ndërsa ngulin këmbë, at anënvlerësuan aftësinë e tyre për të gjeneruar idetë e tyre më kreative,” ka thënë dyshja e shkencëtarëve. Njerëzit kanë tendencën t’u dorëzohen ndjenjave të “goditjes së murit me kokë” ose “të ngecjes” që vjen me të menduarin kreativ dhe kështu zgjedhin të mos ngulin këmbë, kanë thënë kërkuesit.

“Idetë kreative kanë kohën e tyre. Ato janë shpesh të gjeneruara pas një periudhe fillestare të të menduarit të thelle rreth problemit, duke marrë në konsideratë mënyrat e ndryshme të përceptimit (shtruarjes) të problemit, dhe duke eksploruar rrugë të mundshme të zgjidhjes së problemit,” kanë shkruar ata.

Në një studim tjetër, Lucas dhe Nordgren u kanë kërkuar të testuarve për të punuar mbi një sfidë krijimtarie, në të cilën ata paguheshin me shuma të vogla monetare pas çdo ideje të re që gjenin. Pas kësaj seance, kërkuesit u kërkuan pjesëmarrësve që nëse vazhdojnë të gjenerojnë ide të tjera, do të duhej të paguanin shuma të vogla, por do të arrinin të bënin më shumë para nga çdo ide. Vetëm 54% e pjesëmarrësve zgjodhën të vazhdonin.

“Nëse nuk e kuptoni sa vlerë ka këmbëngulja në kreativitetin tuaj, ka gjasa që të këmbëngulni më pak kur të përballeni me sfidat e kreativitetit,” kanë konkluduar studiuesit.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #26 - Korrik 2021

Ditët e nxehta të kësaj vere mund t’i freskoni me artikujt e revistës 26 të Businessmag. Një numër i pasur me artikuj rreth sipërmarrjeve në fusha të ndryshme, por edhe profileve interesante të sipërmarrësve. Që në kopertinë vini re dy djem që po çojnë përpara sipërmarrjen e ngirur nga prindërit. Një model për t’u ndjekur nga shumë sipërmarrje të tjera. Idetë e reja, nismat e reja në biznes sot janë më të rëndësishme se kurrë për të mundësuar suksesin.
Zhvillimet në disa tregje mund t’i gjeni në brendësi të revistës. Të tilla janë tregjet e real estate dhe ai i shërbimit postar.

Zhvillimet në fushën e teknologjisë këtë vit vijnë me 10 gjetjet më të rëndësishme teknologjike, të cilat janë orientuar shumë drejt zhvillimeve shëndetore.

Diaspora vjen me profilin e një sipërmarrëseje në fushën e stilimit dhe qepjes së veshjeve. Ornela ka arritur të hapë tre dyqane shërbimi, ku përshtaten brandet më të mëdha sipas nevojave të klientit.

Edukimi është një temë e prekur nga ne në këtë numër, pasi sfidat e edukimit në këtë vit pandemik kanë qenë të mëdha. Sjellim dy akademi me zhvillimet e tyre dhe qasjen ndaj edukimit gjatë pandemisë, si dhe mundësinë e edukimit të fëmijëve në format më të mira të mundshme.

Në brendë…

Shiko më shumë
Na ndiqni në rrjetet sociale
0