*Artikulli është shkruar nga Steve Tobak, konsulent i liderave mbi çështjet e strategjisë i bazuar në Silicon Valley dhe u publikua në blogun e tij: stevetobak.com.
“Branding” ka një problem me markimin. Shfaqja e “brandit personal” dhe zëvendësimi në masë i fjalës “marka” me “kompani” ka dobësuar kuptimin e këtij parimi që ka rëndësi kritike për individët dhe strategjinë e marketingut për kompanitë, të mëdhaja apo të vogla.
Brandi ka të bëjë me bërjen dhe mbajtjen e premtimeve. Një brand i tregon konsumatorëve dhe *stakeholder-ave atë që ata duhet të presin kur përjetojnë një eksperiencë me markën tuaj, produktin tuaj ose shërbimin tuaj. Dhe më pas, sigurisht duhet t’i përmbaheni atij premtimi.
Rreth kësaj rrotullohet në fakt “brand”-i.
Kohët e fundit shkrova një artikull në lidhje me The Honest Company, një startup e-commerce themeluar nga aktorja Jessica Alba. Startupi i bazuar në Santa Monica ka mbledhur më shumë se 222 milionë $ në një vlerësim të fundit prej 1.7 miliardësh dhe sipas asaj që raportohet, po planifikon një ofertë publike (IPO).
Honest tregton një sërë produktesh konsumi të cilat supozohen të jenë më të sigurta për bebet, familjet dhe mjedisin se produktet e konkurrentëve. Mbi të gjitha, brandi i kompanisë në mënyrë të qartë dhe të dallueshme premton “ndershmëri.”
Por kur Wall Street Journal gjeti se detergjenti për larjen e rrobave të The Honest përmbante një agjent pastrimi që kompania në mënyrë eksplicite e kishte ndaluar nga produktet e saj si një element kyç diferencues përkundrejt konkurrentëve, drejtuesit e saj u angazhuan në atë që mund ta quaj lëvizjen më të pandershme që kam parë ndonjëherë.
Etiketat e produkteve, website-i i kompanisë dhe deklarata të shumta nga drejtuesit e Honest jepnin “garanci” se detergjentët e tyre për larje ishin prodhuar pa SLS, një agjent i njohur për shkumim i gjetur në të gjitha llojet e produkteve të prodhuara nga Procter& Gamble, Colgate- Palmolive dhe Seventh Generation.
Në librin e shkruar prej saj, Alba i konsideronte SLS “toksike”, por të gjitha kompanitë japin garanci për sigurinë e produkteve të tyre.
Honest thotë se detergjentët që përdor janë të prodhuar me SCS, që pretendon se janë më të sigurta se SLS. Por SCS përmbajnë SLS. Ndërkohë, kompania qetësisht po ndryshon website-in dhe etiketat e saj ndërsa publikisht mban një qëndrim se produktet e saj nuk përmbajnë SLS dhe se raportimi i bërë nga Wall Street Journal është “fals”, “i pabazë”, “pseudo-shkencë.”
Bota ka treguar gjithmonë “mashtruesë” mburracakë, por webi interaktiv u ka dhënë atyre më shumë mundësinë të sillen si “kllounë” dhe të tradhtojnë veten. Herët apo vonë, e vërteta del në shesh.
Në librin e tij “Walden”, Henry David Thoreau ka shkruar “Masa e gjerë e njerëzve jetojnë një jetë në dëshpërim.” I vetmi ndryshim ndërmjet vitit 1854 kur u shkrua libri dhe ditëve të sotme është se sot dëshpërimi është më shumë evident. Sa më shumë profilë “hipokritë” Twitter dhe LinkedIn të njerëzve shoh, aq më tepër bëhet e rëndësishme dhe të bën të jesh i diferencuar fakti i të qënit të vërtetë dhe të ndershëm.
Individët, bizneset e vogla, dhe korporatat të gjithë këtë “fryrjen” e markimit mund ta reduktojnë në një koncept të thjeshtë: Të thonë atë që duan të thonë dhe më pas ta bëjnë.
*stakeholder- palët e interesuara në një marrëdhënie në biznes: aksionerët, konsumatorët, kreditorët, punonjësit etj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
