Ku përdoren njohuritë e NLP-së? » Business Magazine Albania – Media Dixhitale dedikuar Sipërmarrjes
Përditësuar së fundmi: 24/04/2019

Ku përdoren njohuritë e NLP-së?

Share
nga Shpresa Rupar
Pri 24, 2019

Ju kemi folur në artikullin e mëparshëm për NLP. Njohuritë e NLP-së mund të ndihmojnë individët, grupet dhe organizatat në mënyra nga më të ndryshmet. Më konkretisht, ja ku përdoret:

Zhvillimi personal – me anë të NLP-së ju mund të ngjiteni në një nivel më lart drejt lumturisë dhe plotësimit të asaj çfarë dëshironi të arrini dhe mund të punoni me disa nga problemet që ju pengojnë gjatë kësaj rruge, si bindjet kufizuese, kujtime jo të këndshme, fobitë, frikërat e ndryshme e të tjera.

Zhvillimi profesional – me NLP-në rrisni performancën tuaj në karrierën që keni zgjedhur, përmirësoni aftësinë tuaj të vendosni dhe të realizoni objektiva që ju duken të paarritshme, kapërcimet e dështimeve të ndryshme, përmirësoni komunikimin tuaj, përmirësoni punën brenda ekipit, ju ndihmon nëse jeni trajnerë, terapeut, mjekë, pra çdo punë ku përfshihet komunikimi me njerëz dhe shumë e shumë të tjera.

Marrëdhëniet dhe komunikimi – ju ndihmon të kuptoni dhe të jeni më efektiv gjatë komunikimit tuaj me partnerët, prindërit, kolegët, menaxherët, klientët, miqtë, dhe, natyrisht me veten.

Mirëqenia – një trup i shëndetshëm përfundimisht vjen nga një mendje e shëndetshme.

NLP-ja ju ndihmon të zhvilloni mendësinë tuaj.

Arritja e përsosmërisë – NLP-ja është studim i ekselencës. Ndoshta ju kurrë nuk mund të arrini perfeksionin, por ju mund të jetoni një jetë ku ndiheni më të plotësuar, një jetë ku vlerësoni çdo moment veten dhe arritjet tuajaduke qenë më të vetëdijshëm për aftësitë, njohuritë, mundësitë, arritjet tuaja, dhe natyrisht kjo gjë ju afron çdo ditë e më shumë, afër më të mirëve.