Kryeministri Edi Rama e ka pranuar zyrtarisht se në Shqipëri do të vijë kriza energjetike, pas raportimeve të shumta për kasdin e krijuar në tregun ndërkombëtar.
“Vala goditëse e një tjetër fatkeqësie natyrore, kësaj radhe e kombinuar me faktorë gjeopolitikë dhe manovra tregtare, po vjen drejt Shqipërisë. Kjo krizë e re, na vendos me detyrim përcaktim përpara një sprove të re, po aq të fortë sa tërmeti e sa pandemia, në aspektin ekonomik e social”.
Gjatë fjalimit të tij kryeministri paralajmëroi se do përballemi me çmime marramendëse dhe se kriza mund të ketë pasoja mjaft të rënda në buxhetin e familjeve. Në këtë situatë shefi i ekzekutivit u zotua se qeveria do të mbrojë më të dobëtit.
Ekspertët mendojnë se pavarësisht implikimeve të mundshme sistemike, që kriza e jashtëzakonshme energjetike mund të ketë mbi të gjitha vendet, beteja kulmore do të zhvillohet dhe do të vendoset, deri në fund të gjashtëmujorit të parë të vitit të ardhshëm.
Sipas tij, përgjegjësia e detyra numër një e qeverisë shqiptare, është të mbrojë medoemos dhe sido e sado që të jetë e mundur, nga goditja e kësaj fatkeqësie të re, shtresat më në nevojë, konsumatorët familjarë, si edhe biznesin e vogël”.
Rama tha se, “ Rritja e kërkesës konsumatore, pas hapjes së ekonomisë ka rritur eksponencialisht edhe kërkesën e industrive prodhuese për energji, duke vënë në vështirësi shumë serioze edhe vetë kolosët ekonomikë të planetit; që nga Kina, deri në Europë”.
Lexo: Kriza energjetike në Europë ndjehet edhe në Shqipëri. OSHEE blen energjinë pesëfish më shtrenjtë
Ajo lidhet kryesisht me ndryshimet klimatike dhe përpjekjet për t’i frenuar ato, por po ashtu edhe me një kombinim faktorësh të tjerë.
Një seri eventesh të motit ekstrem, me tipare të pazakonta sezonale, kanë ndikuar si kërkesën, ashtu edhe ofertën për gaz.
Prodhimi i energjisë nga burimet alternative është zvogëluar. Impiantet e prodhimit të energjisë së erës në Europë kanë prodhuar shumë më pak energji se nivelet mesatare.
Rrjedhimisht, mungesa e prodhimit të energjisë alternative, ka ndikuar në rritjen e kërkesës dhe çmimeve të gazit dhe të qymyrit….”
Dy muajt e fundit vendi ynë është përballur me rritjen e çmimeve të produkteve të shportës, nga perimet deri tek buka, ndërkohë që edhe çmimet ne karburante kanë arritur në shifra deri në 190 lekë për naftën dhe 90 lekë për gazin.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
