Kriza e COVID-19 do të ulë me 38% investimet e huaja

investimet e huaja

Kriza e pandemisë do të godasë në të gjithë botën investimet e huaja, të ardhura që konsiderohen si motorri i zhvillimit ekonomik.

Në raportin e përvitshëm të investimeve, të botuar nga Organizata e Kombeve të Bashkuara konstatohet se vendet të cilat pritet të kenë rënien më të madhe të fluksit të investimeve për shkak të pasojave që po sjell Covid-19, janë ekonomitë në zhvillim, pjesë e të cilave është dhe Shqipëria.

Raporti i Investimeve Globale thotë se në ekonomitë në tranzicion, investimet e huaja direkte këtë vit pritet të reduktohen me 38%, kjo rënie është tipike për ekonomi që varen nga burimet natyrore të gazit dhe naftës, siç janë Rusia, Azerbajxhani, Shqipëria, por tkurrje pritet të ketë edhe në Serbi, Moldavi dhe Kroaci.

Lexoni: 60% e shqiptarëve blejnë online, ‘dërgesa falas’ motivi kryesor që do të rriste blerjet

“Në vitin 2020, hyrjet e investimeve të huaja në ekonomitë në tranzicion parashikohet të bien me rreth 38 %. Në projektet e bazuara në burimet natyrore, perspektivat janë rishikuar në rënie pasi dobësohet kërkesa për mallra dhe çmimi i naftës, një prej eksporteve kryesore nga ekonomitë në tranzicion, do të mbetet i ulët.”

Në tremujorin e parë të këtij viti investimet e huaja direkte në vendin tonë ranë me 20% për herë të parë pas 5 vjetësh, ndërsa arritën në fund të 2019-s një rekord prej 1 miliard e 79 milion eurosh.

Nëse investimet e huaja do të tkurren me 38%, këtë vit ato nuk do të arrijnë të jenë më shumë se 700 milionë euro, duke arritur nivelin e vitit 2012.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale