“Kriza e çmimeve”/ Inflacioni arrin nivelin më të lartë në 20 vite në muajin mars - Business Magazine Albania

“Kriza e çmimeve”/ Inflacioni arrin nivelin më të lartë në 20 vite në muajin mars

Rritja drastike  e çmimeve po godet fort konsumatorët duke rritur më tej kostot e jetesës së tyre. Kjo ka bërë që inflacioni në mars të kërcejë në 5.7%, niveli më i lartë në 20 vite.

Kjo normë inflacioni është shumë më e lartë se objektivi i Bankës së Shqipërisë 3%, por e pritshme bazuar edhe në projeksionet e vetë institucionit sipas të cilit vala e shtrenjtimit të çmimeve nuk do të ndalet as në pjesën e mbetur të vitit.

Të gjitha mallrat thuajse janë shtrenjtuar këtë periudhë sipas statistikave, veçanërisht ushqimet kryesuar nga produktet bazë të shportës dhe karburantet për të cilat qytetarët shqiptarë kanë paguar ndjeshëm më shumë, çka bëri që qeveria të ndërhyjë për kufizimin e tyre përmes ngritjes së bordeve të monitorimit.

Lexo edhe: Lufta “godet” ekonominë/ Parashikimi i Financave: Rritja ekonomike do të jetë 3.2%

Kostot janë rritur edhe për faturat e qirave, ujit e dritave si dhe ato kafene e restorante.

Kriza e çmimeve do të vërë në vështirësi të mëdha edhe në vijim buxhetet e konsumatorëve shqiptarë që çojnë mbi 42% të shpenzimeve të tyre vetëm për ushqime, e duket se efektet e saj do t’i ndjejnë për një periudhë afatgjatë.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #28 - Prill 2022

Si sipërmarrës e keni dëgjuar, madje e keni predikuar shprehjen: jeta nuk bëhet më e lehtë, thjesht ju bëheni më të fortë. Kësaj radhe po e përjetojmë siç nuk e kishim imagjinuar.

Ndërsa po synonim të dilnim nga kthetrat e pandemisë, një tjetër plagë goditi Europën. Sulmi rus ndaj Ukrainës, i pakonceptueshëm nga bota moderne, erdhi si një Tsunami në Europë dhe madje në të gjithë Botën. Lufta me armë shkatërruese, deri tek kërcënimi i përdorimit të armëve nukleare, po sjell një dëm të jashtëzakonshëm për Ukrainën dhe popullin e saj. Mijëra të vrarë dhe mbi 4 milionë të shpërngulur nga vendi, pavarësisht rezistencës së fortë dhe të paparashikuar të ukrain- asve.

Zhvillimet dinamike në më pak se një muaj, çuan në vendime të pamenduara më parë për dhjetëra kompani ndërkombëtare. Tregjet e lëndëve të para panë çmime të rritura me ritmet më të larta të 40 viteve të fundit, ndërsa sheshet në kryeqytetet botërore, përfshirë Tiranën, pritën protestat, fillimisht kundër luftës e më tej kundër rritjes së çmimeve. Më 8 Mars, Çmimi i Naftës kaloi nga 199 lekë/litër në 260-270 lekë për litër, ndërsa po gjatë marsit, çmimi i bukës masive kaloi nga 80 lekë në 100 dhë së fundi 120 lekë. Qeveria ngriti komitete për të …

Shiko më shumë
Na ndiqni në rrjetet sociale
0