Edhe nëse keni bërë gjithçka siç duhet, duke rezervuar akomodimin dhe transportin paraprakisht, një gjë që mund të rrisë koston e pushimeve është ushqimi dhe pijet. Platforma e prenotimeve të udhëtimeve Omio ka bërë disa kërkime në qytetet europiane, ku të ngrënit jashtë nuk do t’ju falimentojë. Ata studiuan koston mesatare të një vakti, një kapuçino dhe birrës vendase dhe të importuar, për të krijuar renditjen e tyre dhe ka disa vende vërtet të lira në listë.
Prishtinë
Në krye të listës është Prishtina në Kosovë, ku një vakt kushton mesatarisht 4.18 £, nj birrë vendase është vetëm 1.67 £ dhe një kapuçino kushton 1.02 £. Në fakt, ajo u mund vetëm në një nga këto kategori – birra lokale në Minsk, Bjellorusi kushton vetëm 94 p. – por secili vend në top 10 ofron një vakt për më pak se 10 £. Edhe Tirana përfshihet në renditjen e qyteteve më të lira, përkatësisht në vendin e dhjetë.
Tiranë
Në anën tjetër të shkallës, Oslo renditet si qyteti më i shtrenjtë për ushqim dhe pije në Europë. Një vakt kushton mesatarisht 20,30 £, një birrë vendase 8,83 £ dhe një kapuçino 3,70 £. Vaduz, Reykjavik, Kopenhagen dhe Berna përfundojnë pesë qytetet më të shtrenjta për ushqim.
Lexo edhe:Mbill një pemë, kontribuo në trashëgiminë e Parkut Drilon-Tushemisht
Qytetet më të lira për ushqim dhe pije:
- Prishtinë, Kosovë
- Sarajevë, Bosnje dhe Hercegovinë
- Shkup, Maqedonia e Veriut
- Kishinau, Moldavi
- Minsk, Bjellorusi
- Podgoricë, Mali i Zi
- Pragë, Çeki
- Budapest, Hungari
- Sofje, Bullgari
- Tiranë, Shqipëri
Qytetet më të shtrenjta për ushqim dhe pije:
- Oslo, Norvegji
- Vaduz, Lihtenshtajn
- Reykjavik, Islandë
- Kopenhagë, Danimarkë
- Bernë, Zvicër
- Monako
- Dublin, Irlandë
- Helsinki, Finlandë
- Amsterdam, Holandë
- Qyteti i Luksemburgut, Luksemburg
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
