Koronavirus në Shqipëri. Kompanitë IT me punonjës në distancë. IDS me 1000 punonjës smart work - Business Magazine Albania

Koronavirus në Shqipëri. Kompanitë IT me punonjës në distancë. IDS me 1000 punonjës smart work


Përhapja e epidemisë edhe në Shqipëri po nxit sipërmarrësit të gjejnë zgjidhje të reja për punën. Sipërmarrësi Agron Shehaj, themelues dhe drejtues i kompanisë IDS, e cila kryen disa shërbime teknologjike për tregje të ndryshme ka vendosur të angazhojë punonjësit nga shtëpia. Ai thekson se, “e vetmja mënyrë që të pengohet një epidemi e mundshme është qendrimi i njerëzve brenda, i të gjithëve, dhe dalja vetëm për nevoja të domosdoshme, si blerje a ushqimeve dhe ilaçeve”. Kjo nuk duhet të jetë zgjedhje e lirë, por detyrim!

Për këtë arsye kam vendosur ndërprerjen e punës në kompanitë e mia në Tiranë të rreth 1 mijë punonjësve dhe aktivizimi i punës nëpërmjet Smart working.

Pjesa më e madhe e tyre do të kenë mundësinë që të punojnë nga shtëpia duke përdorur teknologjinë”.

Shehaj thekson se, ky është vendim drastik, por fatkeqësisht është e vetmja mënyrë e sigurtë për të ruajtur shëndetin e bashkëpunëtorëve dhe familjeve të tyre. “Kam përjetuar personalisht përhapjen e koronavirusit në Milano dhe jam i bindur që duhet të mësojmë nga gabimet në Itali edhe të marrim menjëherë masa drastike”.

Të gjitha përkujdesjet mund të ndihmojnë për ndalimin e epidemisë, por e vetmja gjë e sigurt është kufizimi në maksimum i kontaktit mes njerëzve.

IDRA, kompania e kërkimit dhe konsulencës ka vlerësuar gjithashtu situatën serioze. drejtuesit e saj bëjnë të ditur se kanë vendosur që puna e stafit të vijojë nga shtëpia, online. “Duke filluar nga nesër, prezenca në zyra do të jetë minimale vetëm për çështje emergjencash. Puna gjithsesi do të vijojë normalisht nëpërmjet platformave tona online”, theksohet në njoftimin e kompanisë.

Duke shprehur besimin se kjo situatë do të kalojë shpejt dhe se nuk ka nevojë absolutisht për panik, ftohen të gjjthë të zbatojmë rigorozisht rregullat që kërkojnë specialistët e fushës dhe të minimizojmë kontaktet në grupe.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0