Koronavirus, ekonomia italiane në recesion


Koronavirusi ka dëmtuar rëndë bursën në nivel global. Pas tregjeve financiare aziatike, rënia u shënua tek tregjet europiane dhe më tej edhe në Wall Street.

Prej pak ditës, edhe tregu fqinj Italia po përballet jo vetëm me një situatë të pazakontë shëndetësore por, edhe me dëme të mëdha ekonomike. Piazza Affari u mbyll një ditë më parë me një rënie mbi 5%. Aksionet e Ftse All ranë 5.51%. Vlera e shportës së aksioneve të total në bursën e Milanos shënboi një rënie prej 30 miliardë eurosh.

Efekti Koronavirus ka prekur të gjitha tregjet e aksioneve në Europë: Frankfurti mbylli ditën me -4 %, Parisi -3,94%, ndërsa Londra -3.34%.

Në të gjithë tregun europian të bursës dëmi financiar vetëm në një ditë, sipas il Sole 24 Ore ishte     -352 miliardë euro.

Zhvlerësimi dhe “paralizimi” i disa aktiviteteve ekonomike në në një prej tregjeve më të rëndësishme për Shqipërinë, po ndikon në kalimin zyrtar të Italisë në recesion. Të dhënat e tremujorit të kaluar e paraqisnin Italinë në prag të recesionit, ndërsa goditja nga koronavirus e ka çuar atë zyrtarisht në recesion.

Recesioni teknik është pothuajse i sigurt me humbjen prej -0.3% në tremujorin e katërt. Ndërkohë viti 2020 po shkon drejt rënies me vlerësime midis -0.5% dhe -1%. Këto janë vlerësimet e para të ekonomistëve mbi ndikimin Koronavirusit në Itali.

Në tregjet botërore nafta ka regjistruar ulje të theksuar të çmimit në Nju Jork ( -4.29%, duke zbritur në 51.08 dollarë për fuçi).

Tregjet aziatike të aksioneve vijojnë të jenë negative për shkak të mbizotërimit të frikës për Koronavirus.

Një tendencë tërësisht të kundër ka çmimi i arit. Çmimi i tij ka arritur vlerën e 1.678.58 dollarë për një onc, më i larti i shtatë viteve të fundit, sipas Agjensisë italiane të lajmeve ANSA.

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale