Kontabilistët kërkojnë shtyrje të afateve për dorëzimin e deklaratave


Përhapja me shpejtësi e virusit Korona, po nxit institucione e kompani private të marrin vendime të shpetja. Është koha kur nuk mund të disktuohen kostot e sakta financiare dhe sipërmarrjet po e marrin këtë vendim duke e ditur me siguri se do të ketë kosto për bizneset e tyre.

Vendime të kompanive për të pezulluar aktivitetin kanë qenë të pjeshshme. Madje në disa raste edhe kanë krijuar konflikte me sipërmarrje të tjera partnere. Bizneseve që kryejnë shërbime për kompani të tjera, u është kërkuar nga kompanitë të mos ndërpresin shërbimin, duke i kërcënuar edhe me prishje të kontratave. Por vetëm pak orë më vonë, vendimi i qeverisë për të mbyllur bare, restorante, flet për nevojën serioze të ndalimit të punës përkohësisht, si e vetmja mënyrë për të ndaluar kështu edhe përhapjen e frikshme të pandemisë.

Në këto kushte, kërkesat vijnë nga organizata e shoqata të ndryshme, të cilave institucionet nevojitet t’u përgjigjen po ashtu.

Në periudhën e përgatitjes së bilanceve, kontabilistët kërkojnë shtyrje të afateve për dorëzim. Për revistën Monitor ata janë shprejur se, “Për shkak të mbledhjes së dokumentacionit, kontabilistët janë të detyruar të jenë 12 orë në ditë në kontakt me qytetarë, çka rrit rrezikun për shëndetin”.

Zyrat e kontabilistëve kërkojnë të shtyhen afatet e deklarimit të TVSh-së, të Tatim-Fitimit dhe të bilanceve të biznesit, pasi janë të detyruar të mbledhin dorazi dokumentacionin e kërkuar.

Por Monitor shkruan se, për shqetësimin e ngritur nga kontabilistët, drejtori i Përgjithshëm i Politikave Fiskale, Niko Lera ka deklaruar se nuk do të ketë shtyrje të afateve, pasi dorëzimi i deklaratave dhe bilanceve kryhen online. Ai i këshillon bizneset që dhe pagesat t’i kryejnë online, jo fizikisht në bankë, ndërsa nuk përjashtohet mundësia e faljes së gjobave nëse deklarimet bëhen me vonesë.

Tatimet kanë deklaruar se shtyrja e afateve për pagesat e detyrimeve kërkon edhe ndryshime në legjislacion.

Bizneset janë të detyruar të kryejnë më datë 14 pagesën e TVSh-së nëpërmjet bankave, ndërsa kontabilistët duhet të mbledhin dokumentacionin dorazi për plotësimin e bilanceve.

Monitor kujton se, po afron dhe 31 marsi, kur duhen dorëzuar online tek tatimet bilancet e vitit 2019. Për këtë arsye muaji mars është më i ngarkuari për kontabilistët të cilët duhet të jenë në kontakt fizik me bizneset me qëllim mbledhjen e dokumentacionit të duhur për hartimin e bilancit.

Drejtoria e Përgjithshme e taksave vendore në Bashkinë e Tiranës deklaroi më herët mbylljen e sporteleve për ofrimin e shërbimeve ndaj biznesit.  Shërbimet për biznesin do të kryhen nëpërmjet zyrave postave dhe adresës elektronike.

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale