Konfindustria: Vonesat e rimbursimit të TVSH-së po dëmtojnë tregun


Konfindustria në një deklaratë për mediat, vë theksin tek kostot e rënda financiare që i shkaktohen bizneseve nga vonesat e tejskajshme dhe në shuma të mëdha pas rikthimit të TVSH-së.

Sipas të dhënave zyrtare, mesatarja e vonesave të rimbursimit llogaritet në afër 6 muaj nga maksimumi ligjor prej 2 muajsh. Vonesa e madhe e kthimit të TVSH-së, nuk shoqërohet me penalitete financiare dhe gjoba për agjencitë ekzekutuese. Trysnia e ekzekutivit ndaj bizneseve, ka bërë që numri i rasteve të padive dhe penaliteteve të shënojë rënie, sipas administratorit të Konfindustrisë Gjergj Buxhuku.

Gjithashtu, sipas tij, vonesat e gjata kohore të kthimit të TVSH-së dhe pasojat e rënda financiare për bizneset, shërbejnë si burim i lindjes së korrupsionit në agjencitë ekzekutive, që mund të shkojnë deri në 20% të vlerës.

Lexo:  Konfindustria: FMN ka përgjegjësi për dështimin e politikave ekonomike në vend

Administrata tatimore u detyrohet kategorive të biznesit të paktën 120 milionë euro TVSH të prapambetur.  Premtimi i pambajtur për rimbursimin e  TVSH-së ka shkaktuar rritje të mëdha të kostove dhe ka goditur fuqinë  konkurruese, sipas konfindustrisë.

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale