Lëvizje, sipas Konfindustrisë, të ngjashme me qëndrimin e mbajtur ndaj skemave piramidale të viteve 1996-1997, për t’i lënë gjithë përgjegjësinë e mungesës së efektivitetit të deritanishëm të politikave fiskale dhe ekonomike vetëm Qeverisë së Shqipërisë në përpjekje për të shmangur pjesën dhe rolin e saj.
Administratori i Përgjithshëm i Konfindustrisë, Gjergj Buxhuku thotë se, “konfindustria vlerëson, se të dhënat e tremujorit të parë të vitit 2019, tregojnë për vazhdimin e rezultateve të dobëta financiare dhe vijimin e problemeve të vitit të kaluar”.
Sipas Konfindustrisë, “niveli i lartë i borxhit publik prej të paktën 70% të PPB, mbi 120 milionë euro detyrime të TVSH të pakthyer biznesit deri në fund të 3 mujorit të parë 2019, rënia e ndjeshme me 15-20 pikë e parashikimit të rritjes ekonomike, ulja e ndjeshme e të ardhuarave nga TVSH, vazhdimësia e kreditimit të biznesit në nivelet më të ulta historike, rritja e ndjeshme e pranisë së kreditimit informal/fajde, tregojnë për performancë të ulët fiskale jo sezonale, por me rrënjë të thella strukturore të ekonomisë kombëtare si dhe politika fiskale, financare dhe ekonomike jo të duhura në shumicën e tyre”.
Lexo: Gjobë nëse nuk paguan siguracionin. Konfindustria kërkon të mos miratohet ligji
Sipas konfindustrisë kanë ndodhur disa zhvillime negative vitet e fundit që e kanë përkeqësuar më tej situatën si: lejimi i rritjes së menjëhershme të borxhit publik të vendit me pothuaj 10% të PPB si pasojë e huamarrjes të mbi 1.3 miliardë euro në 5-6 vitet në vazhdim të marrëveshjes e pa shoqëruar me një program të qartë të reformave strukturore ekonomike, është pergjegjësi e drejtpërdrejtë e FMN. Gjithashtu, mungesa e qartësisë së drejtimit të shpenzimeve buxhetore, rritja e barrës fiskale, kalimi i menjëhershëm dhe i pastudiuar nga politika e tatimit të “sheshtë” në përpjestimor, rritja e taksave për karburantin, energjisë, thellimi i skajshëm i politikave koncesionare pa garë dhe PPP, ndryshimet e shpeshta të politikave fiskale për biznesin në përgjithësi dhe biznesin e vogël në vecanti, prishja e uniformitetit të fiskalitetit për sektorë të ndryshëm të ekonomisë, janë anashkaluar në vite nga misionet dhe përfaqësuesit e FMN në Shqipëri.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
