Njoftim për shtyp
Konfindustria do të kërkojë nga ekzekutivi dhe Kuvendi i Shqipërisë marrjen sa më të shpejtë të nismës ligjore për krijimin e Regjistrit të Shpërdorimit të Financimeve Publike/RSHFP.
Nisma merr shkak nga shtimi i shkeljeve në financimet publike në nivel qendror dhe vendor, si dhe nga vonesat në zbatimin e projekteve të miratuara nga subjektet përfituese, kontrata PPP, konçesione, etj. Subjektet në shkelje jo vetëm që nuk mbajnë përgjegjësi, por vazhdojnë të përfitojnë financime dhe projekte publike të reja, duke dëmtuar rëndë edhe konkurencën në treg me shenja të qarta të korrupsionit nga institucionet publike.
Lexo edhe: Konfindustria: duhet ndryshuar modeli ekonomik i Shqipërisë
Konfindustria vlerëson, se pasojat financiare të shkeljeve të kontratave publike, përfshi edhe vonesat e tejzgjatura në kohën e zbatimit të tyre, janë me qindra milionë euro, duke shkaktuar pasoja të rënda për ekonominë kombëtare.
Sektori më i prekur është infrastruktura, ku përfshihen shtime të ndjeshme fondesh, vonesa të shumta në kohë dhe cilësi e dobët në zbatim në rrugë, tunele, ura, projektime, etj. Gjithashtu, sektorë si: teknologjia e informacionit, energjia, shëndetësia, arsimi, bujqësia, etj. janë ndër më të prekurit nga shkeljet e kontratave nga përfituesit.
Ndërtimi i Regjistrit të Rriskut do të japë mundësinë e vlerësimit objektiv të kompanive dhe subjekteve, që kanë shkelur kushtet e kontratave publike të përfituara nga buxheti i shtetit dhe bashkitë.
“Regjistri i rriskut” do të shërbejë për penalizimin e subjekteve, deri me përjashtim nga financimet dhe projektet publike, ndihmon drejtëpërdrejtë luftën kundër korrupsionit të administratës publike dhe rrit konkurencën në treg.
Nga Gjergj Buxhuku, Administrator i Përgjithshëm
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
