Konfindustria mbështet qëndrimin e Bankës Botërore të shprehur nga ndrejtori për Shqipërinë Z. Emanuel Salinas për domosdoshmërinë e ndryshimit të modelit ekonomik të Shqipërisë, që sot mbështetet në sekorët e ndërtimit dhe konsumit. Modeli i sotëm ekonomik pamundëson rritjen e nivelit të të ardhurave për frymë dhe përmirësimin e nivelit të jetesës për qytetarët shqiptarë.
Konfindustria vlerëson, se kusht thelbësor për zhvillimin e qëndrueshëm në afatgjatë të vendit dhe rritjen e mirëqënes për qytetarët është industrializimi i ekonomisë mbështetur në pasuritë natyrore, financiare dhe njerëzore me kahje drejt eksporteve krahas mbulimit të tregut vendor.
“Sektori i turizmit, megjithëse ka një rëndësi relative, e ka të pamundur të jetë zgjidhja e vetme për zhvillim të qëndrueshëm ekonomik. Përkundrazi, nëse nuk do të krijohen sa më shpejt hallkat e domosdoshme shtesë si:- përmirësimi i politikave tregëtare, financiare, institucionale, tregut të kapitaleve dhe shtimit të konkurencës me qëllim – rritjen e prodhimit bujqësor dhe blegtoral vendor, – zgjidhjen e problematikave të rënda me trajtimin e ujrave të zeza, mbetjeve të ngurta dhe të gazta, rrjetit rrugor, informalitetin, standartet e shërbimit, etj. sektori i turizmit mund të prodhojë edhe pasoja negative për ekonominë kombëtare të vlerësuar në tërësi. Njëkohësisht, rrezikohen seriozisht edhe vetë investimet e mëdha publike dhe private në sektorin e turizmit”, thekson Gjergj Buxhuku Administrator i Konfindustrisë.
Fakt është, që fuqizimi jo i natyrshëm i Lek-ut me afër 20% kundrejt Euro-s dhe Dollarit USA brenda më pak se dy vitesh, që përkon me shtimin e turizmit, ka dëmtuar rëndë eksportet shqiptare dhe industritë, që punojnë për tregun vendor me pasoja deri ne faliment dhe ka rritur ndjeshëm importet kryesisht të prodhimeve bujqësore dhe ushqimore shoqëruar dhe me emigracon masiv të popullatës.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
