Konfindustria: 67% e bizneseve pro taksës së sheshtë

Qëndra e Studimeve të Konfindustrisë ka përpunuar dhe paraqet përfundimet e modulit të dytë të sondazheve me bizneset, lidhur me programet ekonomike të partive politike të paraqitura me rastin e zgjedhjeve të përgjithshme të 25 prillit 2021.

Sondazhet kanë përfshirë periudhën Shkurt- java e parë e marsit 2021. Në vlerësim janë përfshirë 143 biznese të kategorive të mesëm dhe të mëdhenj në Qarqet Tiranë, Durrës, Elbasan. Sektorët janë industri, prodhim, shërbime, agroindustri, etj, që punojnë  në  kushtet e tregjeve të hapura konkurrenciale. Në sondazhe nuk janë  përfshirë biznese, që  punojnë në kushtet e tregjeve të  mbyllura, me konkurrencë  të  kufizuar, përfitues të PPP, konçesioneve, liçenca të privilegjuara shtetërore, etj.

• Pyetjes së parë të sondazhit të modulit të dytë, nëse mbështesin taksën e sheshtë 9% të propozuar nga opozita, ose taksën progresive në rritje, duke filluar nga 15% të pozitës dhe/ose asnjërën prej tyre, përgjigjet e bizneseve ishin si më poshtë ;
  • 67% e bizneseve mbështesin zbatimin e taksë së sheshtë 9%
  • 33% e bizneseve u shprehen me besim të ulët dhe/ose nuk mbështetnin asnjërën prej propozimeve partiake

Lexo: Regjistrohuni falas në panairin virtual ekskluziv me temë: “Studio, Puno & Jeto në Mbretërinë e Bashkuar”

• Pyetjes së dytë të sondazhit, nëse duhet të zbatohen të  njëjtat politika fiskale taksimi përkatësisht për: – kategoritë  e bizneseve, që punojnë në  kushtet e tregjeve të hapura dhe konkurrenciale dhe – kategorisë së bizneseve, që  punojnë në kushtet e tregjeve të mbyllura, me konkurrencë  të pamjaftueshme, përfitues të PPP, konçesioneve, etj. përgjigjet ishin si më poshtë:
• • 71% e bizneseve ishin kundër përdorimit të politikave fiskale të njehësuara
  • 29% e bizneseve u shprehën për politika fiskale të njehësuara  

Qëndra e Studimeve të Konfindustrisë do të vazhdojë të publikojë të dhënat e moduleve të tjera të sondazheve të kryera me bizneset, lidhur me brendinë e programeve ekonomike të paraqitura nga partitë politike me rastin e zgjedhjeve të 25 prillit 2021.