Sot, EU Presence është lançuar zyrtarisht në Product Hunt, duke prezantuar një platformë që ndihmon kompanitë jashtë Bashkimit Evropian të hyjnë dhe të operojnë në tregun evropian pa kompleksitetin e zakonshëm ligjor dhe operacional.
Zgjerimi në BE shpesh nënkupton përballjen me rregullore të shumta si GDPR, AI Act, DSA dhe NIS2, si dhe sfida praktike si punësimi në vende të ndryshme, krijimi i një kompanie në BE dhe menaxhimi i përputhshmërisë në 27 tregje.
EU Presence i bashkon të gjitha këto në një platformë të vetme.
Kompania e përshkruan produktin si “European digital HQ in a box”, duke ofruar shërbime si përfaqësim rregullator në BE, automatizim të proceseve të privatësisë dhe përputhshmërisë, infrastrukturë për punësim në Evropë dhe krijim kompanie në BE.
“Qëllimi ynë është shumë i thjeshtë,” tha Albi Zhulali, themelues i EU Presence. “Ne duam ta bëjmë tregun evropian prej mbi €20 trilion më të aksesueshëm për startup-et në mbarë botën. Shumë kompani hezitojnë të hyjnë në Evropë për shkak të kompleksitetit rregullator. EU Presence është ndërtuar pikërisht për ta hequr këtë pengesë.”
Platforma ofron gjithashtu mjete si një skaner falas për përputhshmëri me rregulloret e BE-së, menaxhim të automatizuar të kërkesave të privatësisë dhe shërbime për përfaqësim në BE për rregullore si GDPR dhe Digital Services Act.
Me këtë lançim në Product Hunt, EU Presence fton themelues, ndërtues dhe kompani nga e gjithë bota ta provojnë platformën dhe të ndajnë feedback.
EU Presence fokusohet veçanërisht në ndihmën ndaj startup-eve amerikane dhe kompanive globale të teknologjisë për të hyrë dhe operuar më lehtë në tregun evropian.
Mund ta shihni lançimin dhe të suportoni këtu: https://www.producthunt.com/products/eu-presence
Artikull ekskluziv i Business Magazine Albania.
Ky artikull gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”.
Artikulli mund të ripublikohet nga mediat e tjera vetëm duke cituar “Business Magazine Albania” shoqëruar me linkun e artikullit origjinal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
