Miliona njerëz ndërruan punën këtë vit. Tani shumë pyesin: A i bën statusi si fillestar në kompani më të prekshëm ndaj pushimeve nga puna? Megjithëse tregu i përgjithshëm i punës mbetet i fortë dhe shumë punëdhënës ende nuk mund të plotësojnë të gjitha vendet bosh, disa kompani – veçanërisht në teknologji dhe media – kanë njoftuar pushime nga puna këtë vjeshtë.
Kohët e fundit, lista e punëdhënësve që shkurtojnë vendet e punës është rritur duke përfshirë kompanitë në industrinë e shitjes me pakicë, automjeteve, ushqimit dhe pijeve.
Formula që bizneset aplikojnë shpesh për të vendosur se kush qëndron dhe kush shkon është e rrënjosur tek vjetërsia dhe eksperienca. Shumë kontrata sindikale kanë përcaktuar gjithashtu tradicionalisht që ata që hynë në listën e pagave të fundit të jenë të parët që shkurtohen. Por kjo nuk është më e dhënë.
Lexo edhe: A mund ta padisni ish-punëdhënësin tuaj?
Në fakt, eksperienca e një punonjësi “nuk është më një variabël parësor”, thotë George Penn, nënkryetar menaxhues i kërkimit dhe këshillimit për firmën kërkimore Gartner Inc.
Në vend të marrjes së një qasjeje “kush hyn i fundit, del i pari”, shumë kompani gjatë dekadës së fundit kanë lëvizur për të marrë parasysh faktorë të tjerë, duke përfshirë diversitetin e fuqisë së tyre punëtore dhe reputacionin e tyre në tregun e talenteve, thotë ai.
Nëse, për shembull, shtimi i shumë punësimeve të fundit përmirësoi diversitetin e stafit, kompanitë shpesh hezitojnë të tërhiqen nga ato përfitime. Plus, thotë zoti Penn, ata rrezikojnë veprime ligjore nëse pushimet nga puna duket se diskriminojnë grupe të caktuara punëtorësh.
Kompanitë – të mësuara për të konkurruar për talent në një treg të ngushtë pune –po kujdesne më shumë për markën e tyre midis kandidatëve të ardhshëm për punë, thotë ai.
Sipas Sevin Yeltekin, dekane e Shkollës së Biznesit Simon në Universitetin e Rochester, kompanitë tradicionalisht do të vareshin nga punonjësit me eksperiencë për të shmangur humbjen e njohurive institucionale. Plus, trajnimi i zëvendësuesve të tyre eventual mund të jetë i kushtueshëm.
Por pasojat e krizës financiare të 2008-2009 shënuan një pikë kthese në mënyrën se si shumë kompani i qasen pushimit të njerëzve nga puna. Shumë nga ata që u futën thellë në radhët e punonjësve të tyre më të vegjël u përpoqën në vitet në vijim për të fituar talente të reja, thotë ajo./ Wall Street Journal
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
