Kompania suedeze IKEA do të investojë në Serbi - Business Magazine Albania

Kompania suedeze IKEA do të investojë në Serbi


Kompania suedeze e shitjeve me pakicë IKEA ka në plan të investojë deri në 80 milionë euro (84.4 milionë dollarë) në ndërtimin e një parku retail-i në Beograd. Ai do të ndërtohet në afërsi të dyqanit të parë të IKEA-s që është ende në ndërtim e sipër.

IKEA aktualisht ka një staf prej 50 vetash në Serbi dhe në Janar ose Shkurt ka në plan të rrisë numrin e të punësuarve në 250. Qeveria e Serbisë është në bisedime me IKEA-n për shitjen e parcelave të tjera të tokës.

Kompania suedeze nisi ndërtimin e dyqanit me vlerë 70 milionë euro në Prill të vitit të kaluar dhe parashikon ta përfundojë në Qershor 2017. Sipërfaqja prej 35,300 metra katror ku do të ngrihet parku gjendet afër autostradës Beograd-Nish.

Në Janar, qeveria serbe tha se IKEA parashikon të investojë një total prej 300 milion eurosh. IKEA po planifikon të hapë dy dyqane në Beograd dhe një në Nish, Novi Sad dhe në një vend të papërcaktuar ende në Serbinë qendrore.

IKEA është e pranishme në Kroaci, Rumani dhe Bullgari. Kompania synon të ketë një total prej 13 dyqanesh në rajon deri në vitin 2025. Përveç Beograd-it, po planifikon të hapë rrjet edhe në Lubjanë dhe Bukuresht, vitin e ardhshëm.

Burimi: monitor.al

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0