Kompania kineze merr 100% të aksioneve të “Aeroportit Ndërkombëtar të Tiranës”


Më 7 tetor të vitit 2016, Aeroporti Ndërkombëtar i Tiranës (TIA) njoftoi se “China Everbright Limited” (CEL), një kompani ndërkombëtare investimesh dhe menaxhimi asetesh me bazë në Hong Kong, ka marr në zotërim 100% të aksioneve në TIA.

“Me kënaqësi njoftojmë një epokë të transformimit të China Everbright Limited”, tha Z. Rolf Castro-Vasquez, Drejtori Ekzekutiv i TIA-s. “Aksionerët e tanishëm, AviAlliance, DEG dhe FSHAN, si dhe të gjithë të punësuarit kanë punuar fort për zhvillimin e aeroportit dhe u kanë shërbyer pasagjerëve të saj në mënyrë korrekte. Ne shohim me synimin për rritje të mëtejshme me aksionerin e ri China Everbright Limited, duke ofruar atë që udhëtarët kanë nevojë dhe dëshirojnë, “tha ai.

“Falë mbështetjes së qeverisë shqiptare dhe ekipit menaxhues të TIA-s, CEL është i kënaqur sot që ka përfunduar blerjen e Aeroportit Ndërkombëtar të Tiranës. Blerja është një qasje proaktive e korporatës për të identifikuar mundësitë më të mira për investime në infrastrukturë, e cila është në përputhje me nismën e Kinës për “Rrugën e Mëndafshtë”. Gjithashtu, me rrjetet e gjera të CEL-it në Kinë, ne besojmë se tregtia dhe turizmi mes dy vendeve do të promovohet edhe më tej. Prandaj, kjo blerje është e një rëndësie të madhe për ne”, shtoi ai.

CEL, është themeluar në vitin 1997 dhe është dega ndërkombëtare e investimeve të China Everbright Group, një kompani shërbimesh financiare. CEL menaxhon 33 fonde kapitali private dhe zotëron më shumë se 8.7 miliardë $ në asete të cilat i ka nën administrim. CEL ka përvojë të gjerë në industrinë e aviacionit dhe është aksioneri i vetëm më i madh i China Aircraft Leasing Group Holdings Limited në Hong Kong.

Në vitin 2005, TIA mori në administrim Aeroportin e Rinasit, me një numër pasagjerësh përreth 600.000. 12 vjet më vonë, duke treguar një rritje të ndjeshme, Aeroporti ofron shërbime për më shumë se 1.9 milionë pasagjerë në vit dhe tani është një portë moderne për vendin, duke ndryshuar imazhin e Shqipërisë. Që nga viti 2005, më shumë se 70 milionë euro janë investuar në zhvillimin dhe zgjerimin e Aeroportit. Më 1 prill 2016, Qeveria e Shqipërisë dhe TIA nënshkruan një amendament në Marrëveshjen e Koncesionit të TIA-s duke marr një hap të madh drejt zhvillimit të transportit ajror dhe liberalizimit të fluturimeve ndërkombëtare në Shqipëri. Periudha e Koncesionit i TIA-s u zgjat menjëherë nga dy vjet deri në Prill 2027, në shkëmbim të hapjes së Aerportit të Kukësit për fluturime ndërkombëtare.

Burimi: tirana-airport.com

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale