Koha për të fjetur, ja opsioni i ri i YouTube

YouTube

YouTube ka lançuar një opsion të ri që ju thotë të ndaloni së shikuari video kur është duke kaluar koha e gjumit.

Ndërkohë që po kalojmë shumë më tepër kohë në shtëpi, mund të jetë e lehtë të shikojmë sasi të pafundme videosh, që fillojnë automatikisht dhe, para se ta kuptojmë, kanë kaluar disa orë.

Pra, si pjesë e përpjekjes së YouTube për të promovuar “Mirëqenien Digjitale”, tani mund të vendosni një rikujtues, për të shmangur ndërprerjen e gjumit tuaj duke parë video më vonë sesa duhet.

Ju mund të zgjidhni kohën e fillimit dhe të mbarimit në menu dhe të vendosni nëse dëshironi që rikujtuesi juaj i gjumit të shfaqet gjatë një videoje, ose pas mbarimit të saj.

Lexoni: Netflix do të anulojë automatikisht llogaritë joaktive

Opsioni është i disponueshëm në pajisjet Android dhe iPhone dhe shfaqet gjatë natës në orarin që ju caktoni. Ky opsion është një nga të shumtët, që janë shtuar në YouTube vitet e fundit. Ju mund të shihni sasinë e kohës që keni kaluar duke shikuar video gjatë një jave dhe të vendosni një rikujtues për të bërë pushim.

Tani, kur të hapni menunë, do të shihni dy mundësi: ‘Më rikujto të bëj pushim’ (Remind me to take a break) dhe ‘Më rikujto kur të vijë koha e gjumit’ (Remind me when it’s time for bed). Pasi ta vendosni opsionin ‘on’, do t’ju kërkohet të zgjidhni kohën kur duhet të shkoni në shtrat.

BBC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale