Klima e biznesit e vështirë, sipas raportit të monitorimit të Forumit Kombëtar të Biznesit


Klima për të bërë biznes në  Shqipëri është e vështirë, në veçanti nëse flasim për investime të reja. Fakti theksohet në raportin e Monitorimit nga Forumi Kombëtar i Biznesit .

Shqetësim kryesor sipas monitorimit rezulton ndryshimi i shpeshtë i tatim-taksave dhe rritja e tyre. Ndaj përfaqësuesit e biznesit kërkojnë më shumë qëndrueshmëri nga ana e qeverisë.

Koordinatorja e Forumit Kombëtar të Biznesit, Esmeralda Ballesha, thotë se “Informaliteti mbetet një problem kryesor, që duhet zgjidhur sa më parë, sepse kjo konkurrencë e pandershme dhe të tjera e rëndojnë klimën e biznesit”.

Përfaqësuesja e Dhomës së Tregtisë dhe Industrisë së Tiranës Edlira Prenga tha se, “Institucionet ndërkombëtare pohojnë se informaliteti në Shqipëri shkon në 40 për qind, ndërsa ato shqiptare nuk japin të dhëna. Nëse vazhdon kështu, biznesi do të mbetet skeptik dhe do të tkurret”.

Në klimën e biznesit, rëndojnë edhe gabimet e administratës tatimore në zbatimin e akteve nënligjore dhe rregullave të prokurimit. Bizneset e pyetura ankohen për gjoba të pamerituara, kontrolle të paarsyeshme, mungesë informimi dhe mos përgatitje profesionale e inspektorëve.

Për sa i përket kërkesës së Dhomës se Tregtisë dhe Industrisë së Tiranës për më shumë komunikimin me qeverinë, Ministrja e Shtetit për Sipërmarrjen theksoi se, “Fakti që raporti tregon se 70 për qind e kërkesave tuaja po trajohen nga qeveria, flet për qasjen pozitive dhe vullnetin e autoriteteve për të ndërtuar një dialog të dobishëm”.

Raporti i monitorimit nga Forumi i Biznesit u bazua në dokumente zyrtare, anketime të nëpunësve dhe biznesmenëve. Ai analizon 62 rekomandimet për Kontrollin Tatimor, për TVSH-në e diferencuar, për informalitetin dhe për Dialogun Publik-Privat.

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale