Kjo shkollë në Paris po përdor inteligjencën artificiale për të kuptuar kur studentët nuk i kushtojnë vëmendje mësimit


Një shkollë biznesi në Paris së shpejti do të fillojë të përdorë inteligjencën artificiale dhe face recognition për të përcaktuar nëse studentët po i kushtojnë vëmendje mësimit në klasë apo jo. Softueri i quajtur Nestor do të përdoret në dy klasa online në shkollën e biznesit ESG duke filluar nga shtatori i këtij viti.

Ideja, sipas themeluesit të LCA, Marcel Saucet, është të përdorin të dhënat që mbledh Nestor për të përmirësuar performancën e studentëve dhe profesorëve. Softueri përdor kamerat e instaluara në klasa për të analizuar lëvizjet e syve dhe shprehitë e fytyrës si dhe për të përcaktuar nëse studentët janë duke i kushtuar vëmendje një leksioni video apo jo. Pastaj ai formulon kuice bazuar në përmbajtjen e shfaqur gjatë momenteve të pavëmendshmërisë. Profesorët gjithashtu do të jenë në gjendje të identifikojnë momentet kur vëmendja e studentëve bie, gjë që do të ndihmojë në përmirësimin e mësimit të tyre, thotë Saucet.

Si fillim, teknologjia do të përdoret vetëm për studentët që mbajnë leksione në distancë (online, me video), megjithëse Saucet shpreson që në vijim të lançojë një version në-klasë që do t’u dërgonte studentëve njoftime në kohë reale sa herë që nuk i kushtonin vëmendje mësimit. Duke folur për gazetarët gjatë një demostrimi në kampusin e Parisit të ESG-së muajin e kaluar, Saucet tha se kjo teknologji mund të përmirësojë shumë performancën e studentëve që marrin kurse masive të hapura online.

/TheVerge

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale