Sipas asaj çfarë raporton TechSot.al, dyqanet Apple iBooks dhe iTunes Movies u mbyllën në Kinë javën e kaluar. Shërbimet si Apple Pay dhe Apple Music ende veprojnë tani për tani, dhe zëdhënësja për shtyp e Apple u shpreh se “Apple shpreson të vëjë librat dhe filmat në dispozicion përsëri për klientët tanë në Kinë sa më shpejt të jetë e mundur.”
Qeveria kineze është e njohur për kontrollin dhe censurën e mediave dhe për favorizimin e kompanive kineze teknologjike mbi ato amerikane, diçka që ka ndikuar negativisht në shtitjet e kompanive si IBM, Qualcomm, dhe Microsoft. Apple është përpjekur shumë gjatë viteve të fundit për të përmirësuar shitjet e saj në Kinë, sidomos sa i përket marrëveshjes me kompaninë më të madhe të telekomunikacionit China Mobile, e cila solli iPhone-in në Kinë në vitin 2014.
Kina është aktualisht tregu i dytë më i madh i Apple pas Amerikës, dhe ka qenë territori më i shpejtë në rritje në të cilin Apple bën biznes. Çdo lëvizje nga qeveria kineze për të bërë platformat e Apple më pak tërheqëse mund të dëmtojë rritjen e Apple në një vit ku shitjet e iPhone priten tashmë të jenë në dysheme.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
