Dhe kur fillova të mendoj seriozisht për fillimin e kompanisë sonë, një mik CEO më rekomandoi që të lexoja The Hard Thing About Hard Things” të Ben Horowitz-it. Ky libër më ndihmoi t’i hapja sytë drejt realitetit të të filluarit një biznes.
Në Radiate, ne kemi pyetur disa nga ekspertët tanë se çfarë libri ndryshoi jetën e tyre.
Dan Gilbert, themelues dhe kryetar i Quicken Loans:
“Tom Peters më influencoi shumë nga fundi i viteve 80. Ai shkroi “Në kërkim të përsosmërisë” dhe “Një pasion për ekselencën”. Procesi i tij i mendimit dhe mendimi i tij mbi kulturën dhe biznesin.”
Lexoni: 6 LIBRAT QË DUHET TË LEXONI NË VITIN 2018 NËSE DONI TË BËHENI TË PASUR
Arianna Huffington, themeluese, Thrive Global:
“Një libër që ndryshoi jetën time është nga Marcus Aurelius, i cili ishte një perandor i Romës për 19 vjet dhe një filozof stoik. Ai shkroi një libër të quajtur “Meditimet”. Ky ishte një njeri që merrej me fatkeqësitë, pushtimet dhe tradhëtitë, por ai arriti të qëndronte mbi çdo gjë. Ai arriti të mbetej i patrazuar. E dua atë libër, e kam në shtratin tim, sepse nëse perandori i Romës mund ta bëjë këtë, sigurisht që mundem edhe unë.”
Richard Haass, president, pjesë e Këshillit për Marrëdhëniet me Jashtë:
“Ndoshta libri që bëri dallimin më të madh për mua, intelektualisht, ishte një libër i një akademiku australian, të cilin e njihja kur isha student i diplomuar në Oksford. Emri i tij është Hedley Bull dhe emri i librit është “Shoqëria Anarkike” dhe ky libër ju tregon gjithçka që duhet të dini.
Në çdo moment në histori, ka forca anarkie, çrregullime apo, për të përdorur fjalën time të preferuar, rrëmujë. Në të njëjtën kohë, ekzistojnë forca të shoqërisë, rendit ose organizatës dhe në çdo moment në histori është ekuilibri, është konkurrenca mes forcave të anarkisë dhe forcave të shoqërisë që i japin epokës karakterin e saj.”
burimi: BusinessInsider
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
