Këshillë nga Terry Crews: “Binde veten! Ti je një në një milion”


Terry Crews është një ish-atlet. Kur ai u largua nga NFL, nuk kishte kursyer shumë para. Kështu ai përfundoi duke larë pllaka për 8 dollarë në orë, e duke ëndërruar ndërkohë për një karrierë si aktor.

Pas shumë viteve përballje me vështirësi dhe dyshimin në vete, suksesi trokiti në derën e tij. Që nga ai moment, ai është bërë pjesë e shumë reklamave televizive, emisioneve televizive dhe filmave. Ai është autor i Manhood dhe prezantues i emisionit “Kush do të bëhet Milioner?”.

Crews ka qenë pjesë e grupit të njerëzve “Personi i Vitit 2017 nga Times Magazine”, si një njeri që ia ka dalë nga eksperienca e tij me sulmet seksuale. Ai është gjithashtu një aktivist, piktor, flautist dhe dizajner mobiliesh.

Lexoni: Me vetëm 3 fjalë, ‘The Rock’ ka një këshillë suksesi

Ky udhëtim unik me ulje dhe ngritje të vazhdueshme e ka bërë Crews një njeri të përulur që beson te potenciali i tij. Dhe të njëjtën gjë duhet të bëjnë të gjithë.

“Ti mjafton”.

Ai është përballur dhe me bindje negative, sidomos nga i ati që shpesh i thoshte se ai nuk do të luante kurrë në NFL. Sepse vetëm “1 në një milion” mund ta bënte këtë. Crews përgjigjej: “Unë jam ai një-në-një-milion”.

“Duhet të mendosh për veten si një në një milion, sepse në të vërtet ti je. Njerëzit priren të mendojnë për dikë tjetër, por jo, unë zgjedh të mendoj se bëhet fjalë për mua. Dhe kjo ka ndryshuar gjithçka.”

Ai vazhdon:

“Këshilla ime më e mirë është se ju mjaftoni. Tani që e di këtë, shko dhe shkëlqe. Ti nuk duhet të luftosh. Duhet thjesht të jesh kreativ. Por duhet ta bësh tani. Mos hezito. Puno me idenë që duhet t’i bësh gjërat më shpejt, më mirë. Këtë bëje çdo ditë pa u lodhur. Por mos harro se ti mjafton. Ti je i mirë. Tani, bëj sa më shumë të mundesh. Çdo ditë. Vetëm kështu do të shkosh larg e më larg. Dhe ti do të zgjohesh. Dhe do t’ja dalësh. Do t’ja dalësh.”

“Ne mendojmë se diferencat tona janë një mallkim e jo një bekim. Ne mendojmë se të qenit ndryshe na bën më të keq, por jo kjo na bën më të mirë. Ne thjesht duhet ta pranojmë veten e të themi ‘Unë jam mjaftueshëm’ dhe ‘Unë jam krijuar për të dhënë një kontribut unik’. Ti duhet të besosh se je i jashtëzakonshëm. Ti duhet të besosh se ke potencialin për të qenë i mrekullueshëm dhe se po përmirësoshesh ditë pas dite.”

Ti je mjaftueshëm. Ndaj mjaft me kufizimet e vetëvendosura.

/ThriveGlobal

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale