Këshilla për biznesin e pronave? Revista “Forbes” i drejtohet ekspertit shqiptaro-amerikan - Business Magazine Albania

Këshilla për biznesin e pronave? Revista “Forbes” i drejtohet ekspertit shqiptaro-amerikan


Revista më e famshme e biznesit në SHBA, “Forbes”, ka cituar shqiptaro-amerikanin Valon Nikçi, në një shkrim kushtuar biznesit të pronave të patundshme.

Duke pasur parasysh sesa e koklavitur është industria e pronave të patundshme, që nga bleje-shitjet e shtëpive, ndërtesave me zyra apo objekteve tregtare, pallateve të banimit etj, deri tek menaxhimi dhe ndërmjetësimi, revista “Forbes” ka pyetur një panel ekspertësh nga Këshilli i Forbes për Prona të Patundshme.

Pjesë e këtij paneli ekspertësh ishte edhe shqiptaro-amerikani Valon Nikçi i kompanisë Link NY Realty.

Nga bisedat me ekspertët, revista “Forbes” ka botuar “Shtatë këshilla për t’u kujtuar kur vendos synime për pronën e patundshme”.

Valon Nikçi ka dhënë këshillën e pestë: “5. Hidhuni një vështrim realist pasurive dhe financave tuaja aktuale”.

Këtë, Valoni, e ka përshkruar si vijon: “Ka disa gjëra që duhen mbajtur mend, por si CEO i një firme pronash të patundshme, kam mësuar se është thelbësore të jesh realist. Bëhu realist për atë çfarë zotëron dhe bazoji mbi të synimet për vitin përpara”.

Valon Nikci themeloi Link NY Realty, në vitin 2011, pasi kishte krijuar një përvojë të mirë në disa kompani pronash të patundshme njujorkeze.

Në 2016, ai bëri bujë në median lokale kur ndërmjetësoi shitjen e pallatit në Harlem, ku kishte banuar Maya Angelou, poetja e famshme amerikane. Shitja për më shumë se 4 milionë dollarë kishte si broker ekskluziv Valon Nikçin.

Valoni është edhe veprimtar i njohur i komunitetit shqiptaro-amerikan, pjesëmarrës bashkë me familjen në të gjitha aktivitetet e rëndësishme kombëtare që zhvillohen në Nju Jork.

Valon NikçiNga Ruben Avxhiu

/Illyria

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #27 - Nëntor 2021

Miq, lexues të BusinessMag,

Ky numër i ri revistës vjen në një sezon të nxehtë plot me zhvillime interesante në botën e startupeve. Jam i sigurt që secili nga ju është i ngarkuar shumë më tepër se në çdo periudhë tjetër në përpjekjet për të çuar gjërat përpara, ndaj ju falenderoj që po gjeni kohën për të lexuar këto rreshta. 

Dikush më pyeti sot, sa optimist je për të ardhmen? U përgjigja pa menduar, se kjo nuk është pyetje për një sipërmarrës. Ne optimizmin e kemi në gjak, pasi është stimuli kryesor që çon përpara iniciativat e çuditshme që ndërmarrim, shpesh pa u menduar gjatë! 

Këtë optimizëm përpiqemi ta sjellim në faqet në vazhdim nëpërmjet intervistave me personazhe të njohur dhe të panjohur, të cilët me punën e tyre të përditshme ndikojnë në jetën e mijëra njerëzve përreth. 

Me punën që bëjnë, me historitë që rrëfejnë mbi sfidat e ndryshme, mes dështimesh dhe suksesesh ata/ato frymëzojnë, motivojnë duke përshkruar maratonat vetjake drejt suksesit; pavarësisht pengesave, duke kaluar nga dështimi në dështim, por pa humbur entuziazmin (siç thotë dhe Churchill). 

Njihuni …

Shiko më shumë
Na ndiqni në rrjetet sociale
0