Këshilla nga shqiptarë të suksesshëm


Kush tha që këshillat duhet t’i ndjekim vetëm kur i lexojmë nga manjatët e suksesshëm botërorë si Elon Musk, Warren Buffett, Jeff Bezos apo dhe shumë të tjerë. Vendi ynë mbart persona me vlera që nuk kursehen të ndihmojnë, këshillojnë dhe orientojnë të rinjtë shqiptarë. Persona si Julia Goga-Cooke, Vasil Naçi, Linda Shomo, Motrat Viso, Ravajol Jorgo Hasani, Rudina Seseri, Juxhin Balliu e shumë të tjerë që suksesin ndoshta se kanë gjetur në Shqipëri, por mundohen të sjellin më të mirën këtu dhe të ndihmojnë vendin e tyre që të bëhet si bota, sepse shikojnë një potencial të madh, gjë që ne këtu shpeshherë nuk arrijmë ta shikojmë.

BusinessMag në këtë artikull ju sjell disa këshilla që duhet t’i dëgjojmë dhe me këtë vit të ri, t’i implementojmë. Mos harroni fillimi i mbarë, gjysma punës, kështu që përvishni mëngët dhe filloni nga puna.

Lexoni: Do të bëhesh sipërmarrës i suksesshëm?! Ja disa këshilla nga Flamur Hoxha

  • Julia Goga-Cooke, folëse publike dhe botuese e revistës “Inspire to Innovate”

“Bëni diçka që ka kuptim, sado e vogël qoftë ajo. Ky vend nuk ka nevojë vetëm për ëndërrimtarë e kritikë, ka nevojë edhe për njerëz që bëjnë diçka!”

  • Vitjola dhe Kristinka Viso, bashkë-themeluese të OV Nutrition

“Së pari është shumë e rëndësishme të gjeni vetveten, të zbuloni çfarë aftësish apo talentesh keni, po aq sa të zbuloni se çfarë limitesh keni. Dhe do ju këshillonim të punoni me limitet për t’i kthyer ato në aftësi, sepse do të jenë pikërisht ato që do ju duhen për të përballuar çdo lloj situate.

Së dyti që është po aq e rëndësishme, por këtë herë për sipërmarrjen, është të fokusoheni te problemet që zgjidhni me idenë tuaja. Biznesi gjithmonë ka ardhur si zgjidhje për problemet, prandaj një njohuri shumë e mirë për problemin do të jetë avantazh për ju në shtrirje kohore. Të gjithë ju që keni një ide biznesi provoni, eksperimentoni dhe krijoni eksperienca.”

  • Ravajol Jorgo Hasani, Ambasadori i kulinarisë shqiptare në botë

“Ajo që dua t’ju theksoj të rinjve është që të mos bëhen kopje as e modelit tim, as e ndonjë modeli tjetër. Çdo i ri duhet të punojë dhe të ndërtojë karakterin e tij. Duhet të dijë që një rrugë suksesi nuk vjen pa lodhje, punë dhe sakrifica. Duhet të dijë që do të pësojë shumë goditje, por do të bëhet më i fortë, duhet të mbrojë ëndrrat dhe t’i ngjisë shkallët me radhë. Mos kopjoni asnjë, kopja sjell vetëm probleme.”

Lexoni: Gratë shqiptare në biznes, rrugëtim i vështirë mbijetese dhe suksesi

  • Rudina Seseri, themeluese e Glasswing Ventures

Për femrat e reja profesioniste: “Mos kini frikë të rrezikoni. Dhe nëse nuk e ngrini zërin, askush tjetër nuk do të flasë për ju.”

  • Linda Shomo, themeluese e EasyPay

Për startup-et e reja: “Këmbëngulje, këmbëngulje. Nuk mjafton vetëm ideja, sepse pavarsisht sa e bukur mund të jetë ajo duhet studiuar a funksionon për tregun shqiptar. Prandaj dhe mentorët janë të rëndësishëm. Sa më shumë që rritesh aq më shumë ke nevojë për njerëz që dinë më shumë se ty. Mentori është ai që të në njëfarë mënyre të hap sytë, por nevojitet dhe shumë këmbëngulje.”

Për të gjithë ata që duan të ikin jashtë vendit: “Ikni me punë e jo fizikisht. Këtë e bën të mundur bota e internetit dhe të gjitha shërbimet e nevojshme në sektorin e teknologjisë IT.”

  • Vasil Naçi, themelues i Agna Grup, organizator i seminarit motivues “Rruga drejt suksesit”

“Besoni tek vetja, kini ëndrra dhe punoni fort për t’i bërë realitet. Kur keni pasion, kur keni zjarr në zemër për ato që doni të arrini, i gjeni gjithmonë mjetet që iu duhen për t’ia dalë mbanë; duket sikur gjërat ndodhin si me magji, por në fakt dëshira e fortë iu ndihmon të kanalizonienergjinë dhe potencialin në drejtimin e duhur. Ju them të rinjve ta shikojnë veten jo thjesht si qytetarë të një vendi të vogël si Shqipëria, por si qytetarë të kësaj bote të madhe që ndryshon çdo ditë. Ju them ta duan jetën, të kujdesen për çdo aspekt të saj, të kultivojnë frymën e mirënjohjes dhe kontributit, pasi kur jep, gjithmonë të kthehet dhe kur je mirënjohës për çdo gjë që ke dhe për çdo njeri, arrin të krijosh lidhje të forta me ta, të cilat herët a vonë do të të kthehen në vlerë. Është bekim nëse realizon të kesh mençuri në mendje, dashuri në zemër dhe shëndet të mirë në trup. Kështu krijohen balancat e forta që ndihmojnë të përballoni me sukses çdo sfidë.”

Lexoni: Burimet njerëzore, aseti që kompanitë shqiptare po synojnë të vlerësojnë

Anerola Torollari / BusinessMag.al

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale