Karantinë 2 javore për kë vjen nga Greqia e Maqedonia. Në 25 prill emigrantët s’do të votojnë - Business Magazine Albania

Karantinë 2 javore për kë vjen nga Greqia e Maqedonia. Në 25 prill emigrantët s’do të votojnë

Komiteti i Ekspertëve vendosi se personat që do të vijnë nga Greqia dhe Maqedonia e Veriut do të vendosen në karantinë 2 javore. Zëvendësministrja e Shëndetësisë, Mira Rakacolli, shpjegoi se kjo masë e re anticovid do të jetë një parandalim për përhapjen e infektimit, ndërsa vjen 1 javë para mbajtjes së zgjedhjeve të 25 prillit dhe 2 javë para festës Pashkëve Ortodokse dhe që duket se do të frenoje ardhjen e emigrantëve nga Greqia.

“Ajo që vihet re në Rajon situata paraqitet ndryshe, ndryshe nga vendi ynë, në fqinjët tanë, në Maqedoninë e Veriut numri rasteve janë shtuar, por edhe i jetëve të humbura, e kjo duket në grafikët e paraqitura. Duke parashikuar faktorët do të merren edhe masat. Mos respektimi nga subjektet elektorale mund të ndikojë në rritjen e rasteve. Festa e Pashkëve do të sjellë edhe ardhje nga vendet e tjera. Kujtojmë se vitin e kaluar, për Pashkë u rritën rastet, dhe numri i jetëve te humbura. Duke pare situatën lokale, ku e zë Gjirokastra, nga dita e nesërme qëndrimi në karantinë 2 javore për personat që vijnë nga Maqedonia dhe Greqia deri më 3 maj,” shpjegoi Rakacolli.

Ndërkaq ekspertët u shprehën se është vlerësuar se nxënësit e viteve të parë dhe të dyta që kanë qenë në mësim online, mund të fillojnë edhe mësimin në klasë.

Duke u bazuar në shifra, situata epidemiologjike sipas ekspertëve të shëndetit duket e qëndrueshme. Drejtorja e ISHP-së, Albana Fico, tha se ka një rënie të madhe të mesatares ditore të rasteve pozitive me Covid-19. Por përveç kryeqytetit një numër i lartë rastesh është vënë re edhe në Gjirokastër, Berat dhe Korçë.

“Mesatarja ditore e rasteve të diagnostikuar pozitivë ka zbritur në 172, nga mbi 200 që ishte. Numri total i rasteve aktive është 25 668. Mbetet raporti meshkuj-femra 48-52%, ndërsa është ndryshe numri i vdekjeve. Spitalet Covid-3 dhe Covid-4 nuk kanë pacientë për momentin, por janë në gatishmëri të plotë. Një indeks tjetër është edhe ulja e vdekshmërisë, e cila nga 50 në një javë më parë, ka shkuar në 25”, shtoi Fico.

Ndërsa shefi i Urgjencës Kombëtare, Skënder Brataj theksoi se është ulur numri i vizitave në banesë. Sipas tij në 24 orët e fundit janë bërë vetëm 33 vizita për Covid-19.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #25 - Mars 2021

Kjo periudhë përkon me një vit të plotë në kushte pandemie në vendin tonë, në Europë dhe në mbarë botën. Në një vit ndodhën shumë zhvillime, të paparashkuara ndonjëherë më parë nga ne, duke hedhur poshtë shumë plane apo projekte tonat për rritjen. Por, në këtë kohë sipërmarrje të ndryshme u vunë në lëvizje për të gjetur zgjidhje të reja e për të siguruar mbijetesën.

Në këtë numër të revistës, vijnë zhvillimet përmes gjurmëve që kanë lënë tek industri, sipërmarrje apo individë sipërmarrës.

Pano Soko, ekonomist i njohur flet për efektet e paketave ekonomike të mbështetjes dhe nevojën për paketa ndihme në industritë e prekura.

Rubrika 3X3 i kushtohet industrisë së verërave. Nga intervistat tona me 3 prodhues rezulton se

verërat shqiptare janë të “paralizuara” nga pandemia.

Verërat janë në një trend me turizmin. Brunila Liçaj, profesore dhe eksperte në fushën e turizmit është optimiste për të ardhmen e kësaj fushe.

Në rubrikën e brandeve kemi sjellë, fabrikën e qumështit dhe prodhimeve të bulmetit “Lufra”, ndërsa një brand që po rimëkëmbet nga Kosova është prodhuesi i këpucëve artizanale “Perolli”. Të dy këto brande janë model frymëzimi për njerëzit e punës!

Një pjesë e rëndësishme e revistës i dedikohet konkursit dhe fituesve të Businessmag në …

Shiko më shumë
Na ndiqni në rrjetet sociale
0