Apple synon që iPhone-t të zëvendësojnë çelësat e automjetit tuaj. Kompania bëri me dije përmes një konference vjetore veçoritë e reja të smartfonëve.
Sipas Apple sistemi i ri CarPlay do të jetë në dispozicion në 97 për qind të veturave të reja.
Fillimisht iPhone-t do të përdoren si çelës në automjetet BMW Seria 5 e vitit 2021, por kompania dëshiron ta zgjerojë atë në modelet e tjera të makinave, shkruan CNN.
Në mënyrë demonstrative, menaxherja e “Apple” Emily Schubert, tregoi si një shofer mund të hap dorezën e derës së makinës me iPhone-in e tyre. Fill pas këtij veprimi drejtuesit e automjeteve e vendosin iPhone-n në jastëkun e karikimit dhe shtyjnë butonin e ndezjes për t’i dhënë gaz makinës.
Kjo teknologji bazohet në Komunikimin në Fushën e Afërt, e cila lejon që pajisjet në një distancë të shkurtër, të shkëmbejnë të dhëna pa tel. Ndërkaq, pronarët e veturave BMW do të jenë në gjendje të ndajnë çelësin virtual të veturës me miqtë përmes iMessage.
Në maj, një grup industrial, Car Connectivity Consortium (Shoqëria Lidhshmërisë së Makinave), njoftoi një mënyrë të standardizuar për të ruajtur çelësat digjitalë. Anëtarët e saj përfshijnë automobilistë të mëdhenj dhe kompani të teknologjisë si Apple, BMW, GM, Honda, Hyundai, Samsung dhe Volkswagen.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English