Struktura në formë unaze, të cilën Apple tani e quan “Apple Park” është disa muaj mbrapa afatit të vendosur. Ndërtimet në ndërtesën kryesore dhe në parkun përreth do të vazhdojnë gjatë gjithë verës, ka thënë Apple.
Apple tha se “Apple Park” do të ketë:
• Qendrën për vizitorë me një dyqan Apple dhe një kafene që janë të hapura për publikun
• Një qendër fitnesi
• Qendër kërkimore dhe zhvillimi
• Hapësirë për të ecur dhe vrapuar
• Një kopësht, një livadh dhe një pellg
Apple ka filluar punën në “Apple Park” në vitin 2013. Tim Cook, CEO i Apple, i tha punonjësve vitin e kaluar se Apple planifikon të lëvizë grupet e para të punës në “Anijen kozmike” në Janar të vitit 2017.
Apple zbuloi gjithashtu të Mërkurën se auditori 1000-vendesh do të quhet “Teatri Steve Jobs”, pasi bashkëthemeluesi i kompanisë do të kishte mbushur 62 vjeç këtë të Premte.
“Vizioni i Steve për Apple është shtrirë përtej kohës së tij me ne. Ai synonte që Apple Park të ishte shtëpia e inovacionit për brezat që do të vijnë “, tha Cook, CEO i Apple. “Këto hapësira pune janë të dizajnuara për të frymëzuar ekipin tonë, si dhe në përfitim të mjedisit. Ne kemi arritur të ndërtojmë një nga ndërtesat me energjinë më efektive në botë dhe kampusi do të funksionojë tërësisht me energji të rinovueshme.”
“Lidhja e ndërtesave jashtëzakonisht të avancuara në një park të madh krijon një mjedis të hapur për njerëzit për të krijuar, bashkëpunuar dhe për të punuar së bashku. Ne kemi qenë jashtëzakonisht me fat që kemi qenë në gjendje për të punuar nga afër, për shumë vite, me praktikën e shquar arkitektonike Foster + Partners” tha ai.
Burimi: businessinsider.com
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
