A e dini se Google Maps ka një truk të vogël që ju lejon të rregulloni zmadhimin me vetëm një gisht?
Sepse unë sigurisht që nuk e dija, të paktën deri dje, kur një postim në Twitter nga CEO i Sketchfab, Alban Denoyel më njoftoi për ekzistencën e tij nëpërmjet një videoje në YouTube që daton që nga viti 2013.
Truku është i thjeshtë: thjesht prekni dy herë ndërfaqen e hartave, por në vend që të ngrini gishtin pas prekjes së dytë, ju e lini atë të prekë ekranin. Më pas zmadhohet me një rrëshqitje lart dhe zvogëlohet me një rrëshqitje poshtë. E thjeshtë apo jo?
Me këtë njohuri mund t’i thoni lamtumirë mbajtjes së telefonit dhe përpjekjes për të përdorur dy gishta për të rivendosur pozicionin e hartës për të kontrolluar udhëzimet tuaja, kur njëra dorë është e zënë duke mbajtur litarin e qenit, filxhanin e kafesë, çantën e pazarit ose çfarëdo tjetër. Personalisht, mezi pres ta përdor herën tjetër që jam me biçikletë dhe duhet të heq telefonin tim për të kontrolluar shpejt udhëzimet, as nuk ka më nevojë të heqësh të dyja duart nga timoni.
Lexo edhe: 5 truke që mund t’i përdorni me Google Maps që ua bëjnë jetën më të thjeshtë
Nuk kam bërë një kërkim të thellë, por duket se kjo veçori është mjaft e zakonshme në aplikacionet e Maps. Ajo funksionon në Google Maps si në Android ashtu edhe në iOS, dhe gjithashtu funksionon në aplikacionet e tjera të Maps iOS si Apple Maps dhe CityMapper.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English