XHESICA STILLMAN
Sa përqind e njerëzve janë të stresuar për financat e tyre? Shtatëdhjetë e pesë për qind? Shtatëdhjetë për qind? Gjashtëdhjetë e pesë për qind? Përgjigjia varet nga sondazhi që besoni dhe saktësisht se si anketuesit i përpilojnë pyetjet e tyre, por një gjë është e sigurt — numri është i lartë. Si individë, ne humbasim shumë paqe mendore duke menduar për paratë.
Ka, sigurisht, shumë arsye për gjithë këtë ankth. Të gjithë, nga pronarët e bizneseve te punëtorët e nivelit fillestar janë të shqetësuar për inflacionin dhe një recesion të mundshëm. Por, sipas një artikulli të fundit të CNBC që vë në pah punën e dy “specialistëve të pasurisë “, Wendell Clarke dhe Cohen Taylor, të paktën një pjesë e problemit është se si shumë prej nesh e përcaktojnë fjalën i pasur.
Pasuria është shumë më tepër sesa bilanci juaj bankar
Pyesni shumë njerëz se çfarë do të thotë të jesh i pasur dhe ata do të kthejnë një përgjigje numerike. Shifra e saktë mund të varet nga vendi ku jetoni, në cilën fazë të jetës jeni dhe me kë e krahasoni veten, por për shumë njerëz impulsi i parë është që ta përcaktojnë çështjen e pasurisë në termat e një sasie të caktuar parash.
Kjo ka kuptim! Nëse nuk keni para mjaftueshëm për të paguar qiranë, për të ushqyer fëmijët tuaj dhe për t’u argëtuar herë pas here, ju nuk jeni të pasur. Askush nuk thotë se paratë nuk kanë shumë rëndësi. Por, Clarke dhe Taylor argumentojnë se kjo nuk mjafton për të përcaktuar nëse jeni i pasur.
Në artikullin e CNBC, shkrimtarja Renée Onque përshkruan gjashtë lloje të pasurisë që Clarke dhe Taylor thonë se duhet të keni parasysh kur vendosni nëse jeni vërtet i pasur:
- Koha: “A po e shfrytëzoni në maksimum kohën tuaj?”
- Talentet: “Në çfarë jeni të mirë? Si mund t’i përdorni këto talente për t’ju ndihmuar të arrini një hapësirë më të mirë financiare?”
- Rrjeti: “A po kaloni kohë me njerëzit? A po bëni më të mirën që mundeni për të krijuar një sistem mbështetjeje?”
- Mësimet: “Cilat janë disa gjëra që kanë ndodhur në të kaluarën që keni mundur t’i tejkaloni? Çfarë mësuat nga ajo përvojë?”
- Trupi dhe mendja: “A po pushoni mjaftueshëm? A pini mjaftueshëm ujë? A jeni ushtruar kohët e fundit? A hani ushqime që ju ndihmojnë të mendoni qartë?”
- Paratë: A i keni burimet financiare që ju nevojiten për të bërë gjërat që dëshironi në jetë?
Onque sugjeron që të mendosh për këto gjashtë lloje të pasurisë mund t’ju ndihmojë të merrni nën kontroll ankthin tuaj financiar, duke ju treguar se keni më shumë burime sesa mund të imagjinoni ndonjëherë. Kjo është pa dyshim e vërtetë. Por, më bën përshtypje se kujtimi i komponentëve të shumtë që hyjnë në pasurinë e vërtetë është i dobishëm për shumë më tepër sesa thjesht për të luftuar stresin financiar.
Për të qenë i pasur, duhet të përkufizosh “pasurinë”
Autori, guruja financiare dhe drejtuesi i fundit i emisionit në Netflix, Ramit Sethi, ka argumentuar prej kohësh se, përpara se të filloni të merrni ndonjë vendim financiar, duhet të uleni dhe të vendosni se çfarë do të thotë saktësisht të qenit “i pasur” për ju. Në të njëjtën mënyrë, interneti është i mbushur plot me llogaritje dhe ushtrime që premtojnë t’ju japin shifra të caktuara.
Lexo: Njeriu më i pasur në botë humbet 11 miliardë dollarë për 24 orë
E përbashkëta e gjithë kësaj këshille është se i shtyn njerëzit të përcaktojnë se çfarë do të thotë për ta “i pasur” në mënyrë që ata të mund të formulojnë një plan të fokusuar për të arritur atje. Dhe kështu ata përfundojnë në përpjekje të pafundme dhe të palumtur për të qënë të pasur. Clarke dhe Taylor e zgjerojnë këtë mendim më tej.
A jeni vërtet i pasur nëse vendosni një shumë të synuar kursimesh çdo vit, por nuk keni kohë për të shijuar jetën tuaj? A jeni i pasur nëse keni një rrogë të lartë, por mendoni se po humbisni talentet tuaja? A keni pasuri të vlefshme — të tilla si rrjeti juaj i gjerë ose mësimet e jetës të fituara me vështirësi — që nuk po arrini t’i llogarisni kur rrisni mendërisht pasurinë tuaj?
Përgjigjia e të gjitha këtyre pyetjeve varet nga të kuptuarit se pasuria nuk ka të bëjë vetëm me paratë. Ka të bëjë me mënyrën se si e përjetoni jetën dhe të gjitha gjërat që kontribuojnë për t’u ndjerë të bekuar dhe të përmbushur, nga marrëdhëniet e ngushta dhe mençuria deri te makinat dhe pushimet e mrekullueshme. Nëse nuk po mendoni për të gjitha pjesët përbërëse të pasurisë – ose më keq akoma, duke i sakrifikuar të gjitha për të arritur një bilanc arbitrar bankar – nuk do të jeni kurrë të pasur.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
