Ju shpenzoni kot 900 orë në vit, duke bërë këto gjëra


Nga David Finkel, autor

Gjatë 25 viteve të fundit, kam punuar me mijëra pronarë të bizneseve që ankohen se punojnë shumë. Shumica e tyre me të vërtetë nuk kanë një ide të qartë se ku shkon koha e tyre. Ndaj, dua të ndaj me ju disa këshilla të produktivitetit që i nxora nga libri im i fundit, Formula e Lirisë.

Sa orë mesatarisht kaloni në javë duke bërë aktivitetet e mëposhtme?

  • Pjesëmarrja në takime joproduktive ose të panevojshme.
  • Përgjigja e email-eve të pavlefshme.
  • Shkrimi i raporteve që nuk kanë asnjë rëndësi dhe që askush nuk shqetësohet t’i lexojë.
  • Shikimi i videove në YouTube ose kontrollimi i rrjeteve sociale.
  • Kryerja e punëve jo aq të rëndësishme të zyrës në vend se të paguani dikë 10-15 euro në ditë (punët me dokumente, kopjimin, shtypjen, transportimin, pastrimin, etj).

Nëse harxhoni kohë me këto aktivitete dhe gjëra të tjera të panevojshme, ju humbni mesatarisht 18 orë në javë me punë joproduktive. Pra, humbni 900 orë çdo vit, ose 22 javë të plota pune.

Strategjia për Menaxhimin e Kohës

Le të themi për hir të argumentit që po humbni rreth 18 orë në javë me punë të nivelit të ulët. Ju merreni me punë të rëndësishme vetëm kur të mundeni – shpesh kur të gjithë kanë shkuar në shtëpi dhe kur zyra është e qetë – por deri atëherë nuk keni më energji për të punuar.

Prandaj, është koha që të filloni të mendoni ndryshe për kohën tuaj. Tani e tutje, përpiquni t’u kushtoni rëndësi detyrave më të rëndësishme në fillim dhe formuloni një strukturë të përshtatshme të kohës tuaj.

Ndërrimi i prioriteteve  do t’ju ndihmojë të rrisni biznesin tuaj më shpejt, pa kaluar asnjë kohë në zyrë. Qëllimi është që gjërat me vlera të larta të bëhen në punë dhe më pas të jeni në gjendje të shkoni në shtëpi në fund të ditës dhe të kaloni më shumë me të dashurit tuaj.

INC

Must watch
Business Mag Nr. #23 - Qershor 2020

Të gjitha planet tuaja për këtë vit, si individë apo sipërmarrës mund të jenë përmbysur. Mbërritja e Coronavirusit në Shqipëri paralizoi gjithçka, ashtu si kudo. Në mënyrë të papritur na vuri në kushte tërësisht të tjera pune, na shtoi pasigurinë e shqetësimin për të ardhmen.

Sipërmarrjet, kryesisht në fushën e IT u përshtatën më shpejt, duke angazhuar punonjësit nga shtëpia. Ato zhvilluan dhe më tej mundësitë për të punuar në distancë, ndërkohë që shumë kompani të tjera u mbyllën plotësisht.

Kjo është një periudhë sprove, për individin, drejtuesit dhe liderin. Kjo është lufta që po zhvillohet në spitale dhe fronti i parë i saj janë mjekë, infermierë e sanitarë. Historia e ekonomisë k a treguar se gjithmonë pas një situatë të vështirë ka një ringritje. Dhe ne besojmë se kështu do të jetë.

Deri atëhërë ajo çka na mbetet të bëjmë është respektimi i rregullave të kërkuara, marrja e përgjegjësive ndaj të tretëve për aq sa mundemi, e të interesohemi për të pamundurit, të ndajmë diçka për ta.

Solidariteti nuk ka munguar e nuk do të na mungojë as kësaj radhe. Ajo çfarë doli në pah krahas solidaritetit ishte varfëria: e shtetit, e kompanive dhe e vetë individëve.

Një ditë pas dërgimit të 30 bluzave të bardha në Itali, The Guardian na vlerësoi në artikullin e saj si zemërgjerë edhe pse Ky numër ishte planifikuar të botohej në Prill 2020, por procesi u shty për shkak të masave të ndërmarra si pasojë e shpërthimit të Covid-19. Edhe pse në kohë vështirësish, jemi …

Shiko më shumë
Na ndiqni në rrjetet sociale