Qendra Hapësinore ‘Lyndon B. Johnson’ është ‘qendra’ e kontrollit të misionit të NASA-s për të gjitha fluturimet e drejtuara në hapësirë, si dhe qendër kërkimi dhe përgatitjeje për fluturimet njerëzore në hapësirë. Ajo ndodhet në Gjirin Galveston, 40 kilometra larg Houston. Dhe është për shkak të kësaj “afërsie” të gjithë kujtojnë frazën e famshme «Houston, ne kemi një problem» të shqiptuar gjatë misionit Apollo 13. Dhe është pikërisht këtu programi amerikan i hapësirës dëshiron t’ju marrë “me pushime”. NASA po kërkon vullnetarë për një studim izolimi në hapësirë.
Ndërsa miliona njerëz në të gjithë botën presin të ‘’arkivojnë’’ përfundimisht karantinën dhe të kthehen në jetën normale, të jeni të sigurt se ka shumë njerëz që e kanë pëlqyer izolimin, aq shumë sa nuk duan të dalin nga shtëpia. Pikërisht për këta njerëz ka nevojë NASA, njerëz që të rezistojnë të qëndrojnë 8 muaj të mbyllur në një laborator anije kozmike, e cila kurrë nuk do të ngrihet nga Toka, por premton se do të ketë përvoja të vërteta të astronautëve.
Qëllimi i testit është të studiojë efektet e bllokimit dhe izolimit afatgjatë në psikologjinë njerëzore, fiziologjinë dhe dinamikën e grupit. Ky “mision analog” synon të mbledhë të dhëna që do të ndihmojnë NASA-n të përgatisë astronautët e ardhshëm për eksplorime të gjata në Hënë dhe Mars.
“Izolimi social është një fushë shumë e rëndësishme për studimin tonë. Ajo është e lidhur me nivelet më të larta të stresit dhe ndikon në mirëqenien fiziologjike dhe psikologjike’’, shpjegon shkencëtari Thomas Williams, i cili është në krye të projektit. Ekuipazhi i mëparshëm i misionit tokësor Sirius, mbeti i izoluar në modul për katër muaj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
