Me studimet e përfunduara për Inxhinieri Kompjuterike në Universitetin METU, Turqi, ai studioi master për Inteligjencë Artificiale në Universitetin e Darlans në Suedi. Në fushën e Inteligjencës Artificiale mbrojti edhe Doktoraturën në Universitetin e Hildesheimit në Gjermani në 2016, ku sot është profesor. Punimi i tij shkencor u vlerësua ndër me të mirët dhe për ketë mori çmim.
Të krijosh një karrierë të suksesshme jashtë Shqipërisë nuk është e lehtë por as e pamundur. “Ambienti, kultura dhe paragjykimi janë faktorët që e bëjnë më të vështirë rrugëtimin drejt suksesit”, shprehet ai për Businessmag.al. I pyetur se çfarë i diferencon studentët shqiptarë nga ato të huaj shprehet se, “studentët gjermanë i kanë idetë të qarta, pasi bëjnë plane mbi karrierën e tyre dhe nuk thurin ëndrra për të ardhmen”. Pengesë në realitetin shqiptar është mungesa e ofrimit të mundësisë së punësimit e rrjedhimisht mungesa e motivimit të studentëve, sipas tij.
Josifi i’u sugjeron studentëve shqiptarë, sidomos atyre të informatikës, që të angazhohen më StartUp-e, pasi janë një mundësi e mirë për zhvillimin e ideve të tyre.
“Do të kisha shumë dëshirë që në një moment të caktuar të jetës të kthehem në Shqipëri, por akoma nuk kam vendour se kur”- thotë Josif Grabocka. Ai shpreh dëshirën që Shqipëria të fokusojë ekonominë e saj drejt zhvillimit të software dhe pse jo, të rinjtë e Shqipërisë të krijojnë brande ndërkombëtare “Made in Albania” në formën e kompanive software.
Lexo: Ekspertet e IT. Ja tri vajza shqiptare që po shtrojnë rrugën e suksesit në botë
Për planet e së ardhmes shprehet shumë optimist. Ai e sheh veten si një kombinim i profilit të akademikut dhe sipërmarrësit, në bashkëpunim me të rinjtë e apasionuar pas inteligjencës artificiale.
Karriera e tij në fushën e inteligjencs artificiale ka marrë përmasa ndërkombëtare. Ai është pjesë e rëndësishme e konferencave në nivel ndërkombëtar zhvilluar në Kanada, Angli, Kinë, Taiwan, Francë, Portugali dhe Korenë e Jugut.
Josif është autor i 14 punimeve shkencore në konferenca të nivelit botëror në fushat e Data Mining dhe Machine Learning, (fusha të shkencës që zhvillojnë sisteme robote, që zgjidhin probleme kognitive në mënyrë autonome).
Krahas punës si profesor në Uiversitetin e Hildesheimit Josifi në Gjermani është angazhuar edhe si konsulent shkencor i rekrutuar nga kompani industriale në këtë shtet. Nga gjithë vendet ku ka jetuar Gjermaninë e cilëson si vendin e mundësive të mëdha.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
