Jeff Bezos dhuron nje pjesë të madhe të aksioneve të Amazon për bamirësi! - Business Magazine Albania

Jeff Bezos dhuron nje pjesë të madhe të aksioneve të Amazon për bamirësi!

Themeluesi i Amazon, Jeff Bezos transferoi 174 milionë dollarë aksione të Amazon tek organizatat jofitimprurëse, donacioni i tij më i madh përmes aksioneve të Amazon këtë vit.Sipas një dosjeje të Komisionit të Letrave me Vlerë dhe Shkëmbim, Bezos dha 1.9 milionë aksione të Amazon  organizatave bamirëse. Bezos nuk i kërkohet të zbulojë marrësit e dhuratave të aksioneve të tij, kështu që është e paqartë se cilat grupe i kanë marrë ato aksione. Një zëdhënës i Bezos nuk iu përgjigj menjëherë një kërkese për koment nga Forbes.


Bezos është personi i katërt më i pasur në botë. Pasuria e tij përllogaritet rreth 112.6 miliardë dollarë. Pjesën më të madhe të filantropisë së tij Bezos e bën me aksionet e Amazon, të cilat organizatat jofitimprurëse mund t’i shesin në çdo kohë pa paguar taksa mbi fitimet kapitale.
Që nga dorëheqja si CEO i Amazon vitin e kaluar, Bezos ka rritur dhurimet e tij për bamirësi. Ai pranoi një çmim filantropie në Vatikan muajin e kaluar dhe bëri donacione mbresëlënëse vitin e kaluar për Muzeun Ajror dhe Hapësinor Smithsonian (një premtim prej 200 milionë dollarësh për katër vjet) dhe për Fondacionin Obama (një donacion prej 100 milionë dollarësh).

Megjithatë, përpjekja e tij më e madhe filantropike është Fondi Bezos Earth, një angazhim prej 10 miliardë dollarësh gjatë dhjetë viteve për të luftuar ndryshimin e klimës. Është e mundur që aksionet që ai i ka dhuruar këtë vit janë pjesë e atij fondi, i cili ka shpërndarë 1.54 miliardë dollarë grante që kur kur është krijuar në vitin 2020, sipas faqes së tij të internetit.

Megjithatë, Bezos nuk është një filantrop i shquar nëse u referohemi shifrave. Sipas vlerësimeve të Forbes, Bezos ka dhënë 2.4 miliardë dollarë për bamirësi gjatë jetës së tij, e cila arrin në më pak se 5% të pasurisë së tij. Forbes nuk ka përllogaritur premtimet për donacionet e ardhshme, duke përfshirë pjesën e angazhimit prej 10 miliardë dollarësh të Fondit Bezos Earth që ende nuk është dhuruar. Forbes gjithashtu nuk i numëron dhuratat e aksioneve ku është e paqartë se cilat organizata jofitimprurëse e kanë marrë atë – si donacioni që ai bëri javën e kaluar.
Kjo shumë bëhet akoma më e paperfillshme po të krahasohet, me shumën që jep për bamirësi MacKenzie Scott, ish-gruaja e Bezos. Ajo po jep një pjesë të madhe të pasurisë që mori nga divorci i çiftit në vitin 2019. Në pak më shumë se dy vjet, Scott ka dhuruar 12.8 miliardë dollarë për më shumë se 1200 organizata jofitimprurëse – 10.2 miliardë dollarë më shumë se Bezos. forbes

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0