Data 20 nëntor është Dita e Sipërmarrjes në Shtetet e Bashkuara të Amerikës, që konsiderohen si vendi që u bë nga sipërmarrësit.
Kjo Ditë konceptohet si një festë në nderim të sipërmarrësve, vjen si e tillë nga viti 2010 dhe herë prezantohet si “National Entrepreneurs’ Day”, herë si “Women’s Entrepreneurship Day”.
Revista jonë ka në fokus sipërmarrjen, dhe jo më kot. Rritja ekonomike e vendit dhe hapja e vendeve të reja të punës, varet nga aftësia për të suportuar sipërmarrjen, e cila krijon kompani të reja, hap tregje të reja dhe bën që të lulëzojnë aftësi të reja.
Në kuadër të kësaj Dite, po ju njohim me disa nga eventet gjatë kësaj periudhe, që ti si sipërmarrës nuk duhet t’i humbasësh:
Samiti i Investimeve për Turizmin për herë të parë në Shqipëri
Ky Samit fokusohet në një nga sektorët më të zhvilluar të vendit tonë. Për herë të parë, në datë 27 Nëntor do të keni mundësinë të bëheni pjesë për të diskutuar sfidat dhe zhvillimet në sektorin e turizmit, të realizuar takime personale me Ministrinë e Turizmit dhe Mjedisit të Shqipërisë e për të takuar ekspertë kombëtar dhe ndërkombëtar.
Zgjidhje të TIK për Gratë Sipërmarrëse
Një event dedikuar grave që kanë guxuar të bëhen pjesë e të jenë të suksesshme në fushën e biznesit. BERZH organizon në Tiranë në datat 4-5 dhe 11-12 Dhjetor 2018 trajnimin me temë: “Zgjidhje të Teknologjisë së Informacionit dhe Komunikimit për Gratë Sipërmarrëse”. Mësoni si ta bëni TIK të punojë për ju dhe si të menaxhoni financat e biznesit tuaj.
“Forumi i Biznesit” për bizneset sllovene dhe shqiptare
Nesër, më datë 27 nëntor, ora 09:00, Dhoma e Tregëtisë dhe Industrisë Tiranë organizon “forumin e bashkëpunimit”. Sipërmarrës të të dy vendeve, Slloveni- Shqipëri, do të kenë mundësi të vendosin kontrata të reja bashkëpunimi.
Seminar për “Negociatat dhe Shitjet B2B”
Pjesa më e vështirë e një sipërmarrjeje është arritjea e negociatava, të cilat më pas sigurojnë promovimin dhe shitjen e produktit/shërbimit. Mësoni truket dhe startegji të fushës, në seminarin interaktiv nga Martin Giese.
Forumi Ekonomik i Tiranës: Ndryshimet për një rritje të qëndrueshme
Me mbi 24 folës të pëzgjedhur, kombëtar e ndërkombëtar, forumi do të krijojë mundësinë për të identifikuar dhe vlerësuar sfidat kryesore të rritjes, për të mësuar nga përvojat e politikave në vende të tjera, dhe për të identifikuar një kurs veprimi politikash drejt ekonomive më konkurruese dhe gjithëpërfshirëse në Shqipëri. Një reflektim mbi sfidat që po përballet Shqipëria dhe bota, në datë 7 Dhjetor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
